Nadine mibiya na gyud sa Viva!
CEBU, Philippines — Human sa pagbiya ni James Reid sa Viva Artista Agency sa miaging tuig, nisunod na usab sa pagbiya sa maong talent agency ang kanhi niya girlfriend nga si Nadine Lustre.
Mao kini ang gipahibalo kagahapon sa kampo sa aktres. Suma pa nga si Nadine mismo ang nakahukom nga putlon na ang iyang kontrata sa Viva.
“As of now, Nadine is self-managed and will continue to be so indefinitely. She shall directly manage her affairs from now on, and bookings and inquiries may be directly addressed to her,” tipik sa press statement sa aktres. Kahinumdoman nga gihuptan sa Viva ang career ni Nadine sukad pa niadtong 2009.
Kalabot sa singing career ni Nadine, ang Careless Music Manila nga gipanag-iya ni James maoy naghupot niini.
P2M ang piyansa
Nakapiyansa na ang rapper nga si Loonie o Marlon Loonie Peroramas sa tinoud nga kinabuhi human kini napriso sa miaging tuig tungod sa pagkupot og marijuana kauban ang iyang higala nga si David Rizon.
Suma pa report nga P2 million ang piyansa ni Loonie, samtang P503,000 ang iyang kauban nga si Rizon.
Una na nga ni-deny si Loonie sa giatubang niya nga reklamo .
Mga kauban ni Julia sa 24/7
Gipahibalo na ni Julia Montes ang mga pangalan nga kauban niya sa iyang comeback series nga “24/7” ug kini naglangkob nila ni Edu Manzano, Pen Medina, Arjo Atayde, Joem Bascon, Meryll Soriano, Anna Luna, Melissa Ricks, Matt Evans, Alora Sasam, ug Paeng Sudayan.
Nalakip usab sa maong teleserye sila si JC Santos ug Benj Manalo
Ang Dreamscape Entertainment maoy naghupot sa maong proyekto.
Kahinumdoman nga taod-taod na nga nipahuway si Julia sa showbiz busa malipayon siya nga gihatagan dayon siya og dakong proyekto .
Philippine Navy Dingdong , lieutenant na!
Malipayong gipahibalo sa aktres nga si Marian Rivera nga usa na ka lieutenant sa Philippine Navy ang bana niya nga si Dingdong Dantes .Giubanan gyud ni Marian kagahapon sa buntag ang iyang bana atol sa “donning of the ranks” ceremony sa Philippine Navy headquarters.
Nitambong usab sa seremonya ang pamilya ni Dingdong.
“Lieutenant Commander Jose Sixto G. Dantes III PN (Res). Super proud of you my husband. Salute,” suma pa sa IG post ni Marian.
Nahimo na nga Navy reservist si Dingdong sukad pa niadtong 2017.
Pinay actress nakatrabaho si Lee Sung Kyung
Nakatrabaho sa usa ka Filipina actress nga si Cherish Maningat ang sikat nga Korean model- actress nga si Lee Sung Kyung. Pinaagi sa iyang Instagram post, gipahibalo ni Cherish nga nakauban niya si Lee sa usa ka episode sa series nga “Dr. Romantic 2.”
Suma pa ni Cherish nga dili gyud niya malimtan ang kaboutan ni Lee.
Matud pa niya nga dili gyud arte ang nahisgotang aktres ug iyaha gyud kini nga nahinabi.
- Latest