Sinulog Idol Season 11
Jehramae misidlak; Chris nanamilit
CEBU, Philippines – Ang taga Talisay City nga si Jehramae Trangia maoy napili nga Star of the Night sa nagdpadayon nga eliminasyon sa Season 11 sa Sinulog Idol.
Gikanta ni Jehramae atol sa Bisaya Night ang awit nga Ayaw Pagsaad nga orihinal nga giawit nila ni Gerlyn Ville Sanchez Abaño ug Paul Rosa.
Suma pa sa usa mga hurado sa maong kompetisyon nga kanhi Pinoy Dream Academy scholar nga si Apple Abarquez nga nindot gyud ang pagka-kanta ni Jehramae niadtong gabhiona. Dugang pa nga dali ra kaayo mabawi ni Jehramae ang paghatag og hustisya ang mga linya sa maong kanta. “Naningkamot lang gyud og maayo. Saktong pahuway ug siyempre inubanan sa prayer ,” saysay pa ni Jehramae kalabot sa iyang preparasyon sa maong kompetisyon.
Suma pa niya nga tungod sa Sinulog Idol, masisugon na siya sa pag-atubang sa daghang tawo ug ipakita ang iyang talento.
“Daghan gyud ko og nakat-onan sa mga workshop maong thankful kaayo nga nakasulod ko sa Sinulog Idol karong tuiga, “ dugang pa niya. Kauban ni Jehramae nga nkasulod sa Top 3 sa Bisaya Night mao sila si Chreystle Gealogo ug Marichar Labado.
Gikanta ni Chreystle ang “Kurog Ko’, samtang si Marichar nikanta og “Nakasabot Nako.”
Natangtang sa maong hugna ang taga Liloan nga si Chris Olano kinsa nikanta og “Damgo.”
Nakauban ni Chris sa Bottom 3 mao sila si Rannie Cane ug Maverick Nineza.
Masaligon hinoun si Chris nga dili kini katapusan sa iyang kapalaran sa pagkanta sanglit dako gyud og matabang sa iyang singing career ang mga nakat-onan niya sa Sinulog Idol.
Panawagan ni Angel
Usa ang aktres nga si Angel Locsin sa nanawagan sa publiko nga tabangan ang mga naapektohan sa pagbuto sa Taal Volcano.
Nag-post usab siya og listahan sa evacuation centers sa Batangas ug pangalan sa organizations nga mahimong kabinlan sa hinabang.
Pipila ka netizens ang nitawag kang Angel nga “real-life Darna.”
Usa si Angel sa mga artista nga kusog kaayo motabang sa mga tawo nga naapektohan sa kalamidad.
- Latest
