Dennis Trillo, mubalik sa ABS-CBN?

CEBU, Philippines – Adunay tsika karon sa online community nga matud pa mubalik na sa ABS-CBN ang actor nga si Dennis Trillo, kinsa taod-taod sab nga nagpasilong sa GMA-7.

Suma pa nga mamahimo matud pa nga co-host si Dennis sa pag-reformat na sab sa Sunday variety show ASAP sunod tuig o sa February 2020.

Malakip usab matud pa isip co-host ang bag-o lang nipasa sa iyang korona isip Miss Universe nga si Catriona Gray.

Uban pang mga ngalan nga nigawas aron maglangkob sa mas palig-onan nga ASAP mao sila si Regine Velasquez, Ogie Alcasid, Lea Salonga ug Gary V.

Si Dennis, kanhi Star Magic talent sa wala pa siya hingpit nga nilayat paingon sa GMA7 ug nakaangkon og break pipila ka tuig na ang nilabay.

Miko Palanca, namatay…

Nihangyo ang pamilya sa actor nga si Miko Palanca nga tugutan sila nga magbangutan sa kamatayon sa nahisgutan niadtong nilabay nga adlaw.

Dungan niini, nagpasalamat sab sila sa suporta nga gibubo sa publiko ngadto sa ilang pamilya niining mga masulub-ong gutlo nga ilang gisagubang.

“We are extremely saddened by the sudden passing of our beloved brother, Miko Palanca. The whole family is grateful for the incredible outpour of love and support that has been coming in today. As of now, we would like to respectfully request for privacy as we go through this very difficult time. Again, we appreciate all the love and support,” nagkanayon ang statement sa pamilya.

Wala na mudetalye pa ang pamilya unsay hinungdan sa kamatayon sa 41-anyos nga actor. Ang mga istorya nga nanggawas mao nga niambak ang actor gikan sa us aka building human giingong nakasinati kini og depression gumikan sa gugma.

Si Miko, unang gipaila ngadto sa publiko pinaagi sa ABS-CBN youth-oriented show nga “Tabing Ilog” nga gilangkuban sab nila ni Jodi Sta. Maria, Kaye Abad, Patrick Garcia, Paolo Contis, Desiree del Valle, Paula Peralejo ug John Lloyd Cruz.

Gaisano main ug mga branches 12-days before Christmas sale

Ang labing dakong baratilyo ipahigayon na sa Gaisano Main, Country Mall, Gaisano Balamban, Gaisano Bogo ug Gaisano Moalboal pinaagi sa ilang “12 Days Before Christmas Sale” karong Disyembre 13 hangtod 24.  Dagkong diskwento ug daghang pakapin ang ipanghatag!

Samtang sa Disyembre 12, ang Gaisano Main magsaulog sa ilang ika-50 nga anibersaryo.  Agi og pasalamat sa mga suki, magpahigayon sila og usa ka adlaw ng Anniversary Sale diin bagsak presyo gayod sa kadako sa diskwento!  Daghang giveaways ug instant papremyo usab ang ipanghatag.  Atol sa maong kasaulogan, molingaw kaninyo ang sikat nga Kapuso Hunk nga si Carlos Agassi alas-12 sa udto diha sa Gaisano Main ug als-4 sa hapon diha sa Gaisano Country Mall.

Sa Disyembre 27, ipahigayon usab ang unang bola sa A Million Thanks raffle promo.  Brand new nga Mazda2 nga awto ug minilyong kantidad sa mga appliances ang ipanghatag – Tax Free!  Ipahigayon kini diha sa Gaisano Country Mall alas-7 sa gabii uban sa sikat nga artista nga si Grae Fernandez.  Ayaw sipyata!

Sun goddess ang peg Na-transform isip sun goddess ang Philippine bet sa Miss World 2019 nga si Michelle Dee sa dihang gisul-ob niini ang national costume  nga gidesinyo ni Francis Libiran. Gisul-ob kini ni Michelle samtang nisayaw sa traditional dance nga “Sayaw Sa Pamaypay” atol sa  “Dances of the World” showcase sa nahisgutang indigay. Giingong niabot og P1.5 million ang balor sa maong costume.