Maayo mohalok

CEBU, Philippines —  Gipanghambog ni Liza Soberano nga maayo siya mohalok sa pipila nila ka  eksena ni  Enrique Gil alang sa umaabot nila nga proyekto karong 2020.   Angayan matud pa atngan ang maong proyekto gumikan kay lahin napud nga tirada LizQuen ang idalit nila ngadto sa ilang fans.

Angayan sa horror film

Dakong garbo alang kang Kim Chiu nga saligan siya og  usa ka  horror film.   Una na nga gipahibalo sa miaging adlaw nga malakip siya sa maong  klase nga pelikula  kauban sila si JM de Guzman ug Tony Labrusca .  “Masaya ako na pinagkakatiwalaan ako sa mga horror films. It’s really out of my comfort zone kasi in real life, ayoko talaga sa multo pero sinusundan talaga nila ako sa movie,” suma pa sa aktres.

Gi-career ang pagkanta

Nagsagunson gyud ang mga dagkong konsyerto ni Ian Veneracion karong tuiga  ug puros kini nagmalampuson.  Wala damha ni Ian nga mataypan pud sa publiko ang talento niya sa pagkanta.

Dugay na nga single

Wala pa gyud makauyab og balik si  Shaina Magdayao human sa  break-up nila ni John Lloyd Cruz niadtong 2012. Na-link siya kang  Piolo Pascual, kaniadto apan giklaro niya nga higala ra gyud niya ang maong aktor. Suma pa ni Shaina nga na-busy lang gyud siya sa iyang mga proyekto.

Pinangga sa Viva

Si Janine Teñoso ang nag-awit sa  Tag-Araw, ang  theme song entry sa Viva Films sa Metro Manila Film Festival 2019 nga Miracle in Cell No. 7.  Nag-anam anam na og saka ang popularidad ni Janine gumikan kay kanunay siya hatagan og projects sa Viva.

Unsa man gyud?

Gikatahong  sweet gihapon kaayo sila si  Coco Martin ug Yassi Pressman sa set sa teleseryeng  Ang Probinsyano. Bisan luyo sa kamera, daghan gyud ang nakabantay sa ilang ka-sweet.  Giingong usa kini sa rason nga giselosan si Yassi sa gihungihong nga  uyab ni Coco nga si Julia Montes.

Saktong panahon

Giangkon ni Jane de Leon nga dunay mga higayon nga nasulod sa iyang huna-huna kaniadto nga moundang sa showbiz. Maayo nalang gani nga wala siya mo-surrender  sanglit nabugtian kini og dakong oppurtunidad  partikular na ang pagdala niya sa remake sa Darna.

Suportado sa orihinal

Suportado  si  Aga Muhlach sa Korean actor nga si Ryu Seung Ryong alang sa pelikulang  Miracle in Cell No. 7.   Si Aga may nagdala sa karakter ni Ryu sa maong adaptation. 

“Amfee”

Gi-release na dili pa lang dugay ang  bag-ong  music video ni Alex Gonzaga nga  “Amfee” .  Sa maong awit , gipaambit ni Alex ang mga sakit nga pulong nga iyang nadawat gikan sa iyang bashers.  Ang maong kanta naghisgit sa mga “feelingero.”

Priscilla pasok sa Probinsyano

Puwerting lipaya  ni Priscilla Almeda o Abby Viduya sa tinoud nga kinabuhi gumikan kay nakabalik na siya sa pag-arte. Nilugwa si Priscilla sa   FPJ’s Ang Probinsyano sa ABS-CBN. Nailhan  kaniadto si Priscilla gumikan sa iyang sexy films.