Umuwi ka na Baby”
OKRyan - Ryan Mark (Banat) - December 1, 2019 - 12:00am

Disyembre na. Hapit na gyung Pasko. Gani, hagbay rang adunay mosakay sa mga dyip aron manaygon. Pagsulod sa ber months, I think nidagsang sab ang manaygonay. Hinuon, kun dili ber months naa man sab gyu’y mosakay ug mokanta, pero dili paskohanong awit. Lahi ra kanta. Kasagaran love song. Usahay, lamyon pang lyrics, kun dili man gani gimao-mao lang ang lyrics. Pakkk!

But niadtong Miyerkules sa gabii, naay bata nga nikalit og kapyot sa akong gisakyan nga jeep pag-abot sa Sanciangko. Pasado 10 p.m. nato. Abi nako’g mokapyot ra gyud to siya. Apan wala nagdugay nikanta. Nanaygon diay siya. Apan lahi iyang gikanta kay dili Christmas song. “Hanggang Kailan” by Orange and Lemons iyang gikanta. Naliki ko. Pakkk!

Pero ang chorus iyang tirada: Umuwi ka na baby/Hindi na ako sanay ng wala ka/Mahirap ang mag-isa/At sa gabi’y hinahanap-hanap kita/Hanggang kailan ako maghihintay. Sa sinugdanan wala ra koy paki niya kay nagduka na sab ko, but kadugayan nakabig akong atensyon because he sounded good and was singing from the heart. So paghuman niya’g kanta, akong gipalingkod kay basin mahagbong nya siya ba,mao nga nitupad siya nako.

His name was Nikki, 10 years old, and grade 5 student sa usa sa mga public elementary schools sa siyudad. Kamanghuran siya sa upat ka mga magsuon. Half-negro matud pa iyang amahan nga wala nay trabaho kay adunay kidney problem. Iyang mama nagtrabaho sa usa ka carenderia. Puros sila nagtungha. Ang kamaguwangan college na ug ilang mama matud pa maoy naggasto nilang tanan.

Akong gipangutana nganong dili Christmas song iyang gikanta, tubag niya, kay mao ra to iyang nakat-onan nga kanta. Nindot og tingog tong bataa. Naa to siyay future. Dihang duol nami sa Punta Princesa, akong gitunol og P10 aron iyang plite kay nilingkod baya siya. Giuli man niya ang sukli uy. Mao nga nakaingon ko sa akong kaugalingon, ayy buotan ni nga bata  kay giuli gyud ang sukli. Wala gud nuon nako dawata.

The point is, dili tanang manaygonay diha sa jeep mga gara-gara ug minaldito ra. Ug dili kinahanglang chistmas song ang kantahon aron makabig imong atensyon. Adunay uban diha nga kinasingkasing ang pagkanta ug tinarong ang katuyoan. Just like Nikki. He said, mukita siya og kapin P100 kada panaygon niya. Mudalikyat gyud siya pagbuhat niini aron makahatag siya sa iyang mama ug makabawon sab siya sa eskuylahan inig ka ugma. Pakpak!

So if ever maatlan mo nga daygonan ni Nikki  pero dili Christmas song kundi Hanggang Kailan ang gikanta, know that he is singing from the heart and with good purpose. Busa ayaw patig-aha ang inyong mga kasingkasing.

May you have a blessed Sunday, dear okRYANians!

BABY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with