Sharlene gipanalipdan ni Miles
CEBU, Philippines — Maud pa ni Miles Ocampo nga maayong tawo ang iyang higala nga si Sharlene San Pedro. Dili motoo si Miles sa pasangil ni Alexa Illacad nga gi-bully siya ni Sharlene.”Ang bilis naman po kasi magbitaw ng salita. Basta ako po kilala ko po si Sharlene, kilala ko po ang beshie ko at proud ako sa kanya kasi alam kong napakabuting tao niya,” saysay pa ni Miles ngadto sa ABS-CBN News.
Ciudad
Adunay umaabot nga movie project ang banggiitang direktor nga si Carlo Caparas. Mao kini ang pelikula sa Viva Films nga Ciudad nga pagabitoonan nila ni Louise delos Reyes, AJ Muhlach, Dennis Padilla, Yayo Aguila ug ang magsoung CJ ug Peach Caparas.
Nag-train sa Pilipinas
Dinhi sa Pilipinas nag-train ang pambato sa Singapore alang sa Miss Universe 2019 nga si Mohana Prabha. Karong December 9 na mahitabo ang maong prestihiyosong indigay.
Nauyonan ni Rhian
Todo pagdayeg ni Rhian Ramos sa pelikula nila ni Lovi Poe ug Joem Bascon nga ‘The Annulment’. Matud pa ni Rhian nga dili bast-basta ang performance sa iyang mga higala.
Usa gyud ka anghel
Tsika pa ni Dimples Romana nga mibilin gyud siya sa pagkamatinabangon sa iyang higala nga si Angel Locsin. Matud pa niya nga dako gyud ang nahatag nga inspirasyon ni Angel ngadto sa ubang tawo aron motabang sa ilang isigkatawo. Nasayran nga aktibo kaayo si Angel sa mga relief operation alang sa mga naapektohan sa katalagman.
Todo pangandam
Gipakita ni Jane de Leon ngadto sa iyang followers ang gihimo niya nga pagpangandam sa pelikulang “Darna.”Sa iyang Instagram account , makita ang pag-train niya sa gym. Nisamot og ka-sexy ang aktres.
Mga banggiitan
Nakadawat og mga sugyot si Maricel Soriano, nga unta mag-uban sila ni Sharon Cuneta sa usa ka proyekto. Ganahan kaayo si Maricel sa maong ideya apan hanap pa kaayo kini nga mahitabo sanglit susama sila nga busy.
Klaro sa pattern
Plastada gihapon ang ka-sweet nila ni Janella Salvador ug Markus Patterson busa mokatawa lang ang netizens sa wala nila pagkumpirmar sa ilang relasyon. Kahinumdoman nga gipaila-ila na ni Markus si Janella ngadto sa iyang pamilya.
Andam mag-ninang
Andam si Maricel Soriano nga mahimong ninang kun magpakasal na si Angel Locsin. Nagkasoud ang duha sa teleseryeng The General’s Daughter.
Nagkasinabtanay na
Miulbo ang balita nga matud nagkasinabtanay na nga magpakasal sila si Kapamilya star nga si Ejay Falcon ug ang goodfriend niini nga si Jana Roxas. “Napapag-usapan naman po ‘yun, pero sabi ko nga wala pa ngayon dahil sobrang busy pa and ayaw ko naman na makiki-uso ako dahil nakikita ko na, uy nag-propose si ganito, si ganyan at ma-pressure ako na bakit ako hindi pa,” matud pa ni Ejay.
- Latest