Taylor ug Shawn nagpares

CEBU, Philippines —  Adunay koloborasyon sila si Taylor Swift  ug Shawn Mendes sa  remix sa awit nga Lover.

 Si Taylor maoy nagpasikat sa maong awit , samtang si Shawn ang nagsuwat sa pipila ka linya sa remix version niini.

Nag-trending dayon kini sa  Youtube  ug sa pasuwat niining balitaa, aduna na kini dul-an  sa 6 million views. 

Nag-trending ang trailer

Ang  trailer sa pelikulang “Miracle in Cell No. 7” maoy nag-una sa listahansa trending videos  YouTube Philippines sa miaging adlaw.  Usa si Aga Mulach sa  bida sa maong pelikula nga ubos sa direksyon ni Nuel Naval. Kabahin usab kini sa  Metro Manila Film Festival.

Nalakip usab sa maong proyekto sila si  Joel Torre, JC Santos, Mon Confiado, Jojit Lorenzo, Soliman Cruz, John Arcilla, Bela Padilla, Xia Vigo  ug  Tirso Cruz III.

Ion miklaro nga wala  mag-apas sa kuwarta ni Vice

Gihimakak  ni Ion  Perez ang panglantaw sa ubang tawo nga  kuwarta lang ang giapas niya sa iyang uyab nga si Vice Ganda.

Matud pa niya nga tinud-anay ang iyang paghigugma ngadto sa komedyanteng TV host.

“Hindi mo rin ako masisisi ba’t ako na-in love sa kanya, kasi sobrang bait niya talaga,” mao kini ang tubag ni  Ion sa interview niya ni Ogie Diaz nga gi-upload sa YouTube.

Nasayran nga usa ka tuig na ang relasyon nila ni Ion ug Vice.

Matud pa niya nga dili mahitabo nga iyang  binuangan si Vice.

“Hindi ko po kayang gawin yun sa kanya. Kasi kung ginawa ko po yun sa kanya, parang wala na rin akong pinagkaiba sa mga nakaraan na nanloko sa kanya,” dugang pa ni Ion.

Nihatag usab siya og mensahe sa mga nagduda sa iyang intensyon sa iyang uyab, matud pa niya.  “Sa lahat ng nag-iisip na pineperahan ko si Vice Ganda, mga tsong, siguro masasabi ko lang sa inyo, pakisamahan niyo lang ako sa maghapon.

Kung may nasabi kayo sa pag-uugali ko, magpapaalila ako sa inyo habang buhay.”

Giklaro usab niya nga straight siya  nga pagkalalaki.

“Sobrang straight po ako. Nagkataon lang na na-in love ako sa isang bakla,” matud pa niya.

Wala usab gikaulaw  ni Ion ang ilang pagka- public display affection, sama sa ilang  pagkupatanay og kamot atubangan sa daghang tawo.

Sa katapusang bahin sa interview ni Ogie  kang Ion, nipadangat kini og mensahe kang Vice nga nagkanayon, “Hi, Babe, di ba, lagi ko naman sinasabi sa ‘yo na mahal na mahal na mahal kita?Basta nandito lang ako.

Uulitin ko yung sinsabi ko, hindi ako papayag na saktan yung damdamin mo dahil, babe, mahal na mahal kita.”