Binibining Cebu 2020 Swimsuit ug Long Gown Competition

CEBU, Philippines — Gihatod sa kalasangan ang mga tawo sa nagmalampuson nga Swimsuit ug Long Gown Competition sa  ikatulo nga edisyon sa Binibining Cebu.

Gipahigayon ang maong kalihokan dili pa lang dugay sa  Mandani Bay Tent kun diin gitambongan kini sa  mga prominente ug mga respetado nga mga opisyales sa Sugbo ug pipila ka mga beauty queen ug mga mahiligon sa beauty pageant nga nipakita gyud og suporta  sa maong kalikuhan ug sa ilang personal nga mga pambato gikan sa 54 ka mga kandidata nga mirampa sa sa entablado.

Ang pagpahigayon sa maong  pre-pageant nagsilbi nga kabahin  sa  pagsuta ug pagpili sa Top 20 kinsa mao ang moabante sa sunod nga hugna kun diin masayran na kini sa coronation night nga mahitabo karong umaabot Enero 13, 2020.

DIli gyud basta-basta ang  pagpili sa mahimong kabahin sa  Top 20 gumikan kay gipakita gyud sa mga kandidata  ang lig-on nila nga kapabilida dili lang ang ilang kaanyag apan apil na ang ilang kahanas sa ilang pagpaso sa entablado.

Sa nahitabong Long Gown competition, giparada sa mga kandidata ang mga mugna sa mga ilado nga fashion designers  nga gikan sa Fashion Institute of Design and Arts - Cebu nga gilangkuban nila ni Percy Piquero, Yoko Sato, Tina Gomez, Jeanom Ursua, Edward James Castro, Hannah Callano, Free Barbusa, Valerie Alvez, Edwin Alba, Philipp Tampus, Angela Dado, Yorena Tabar, Rachel Rama, Johanna Tan, Killy Tampus, Mel Maria ug Lord Maturan.

Ang pre-pageant mao ang  pagpasundayag sa mga maanindot nga mugna sa mga Cebuano designers.

Mipili ang master couturier nga si Cary Santiago ug tulo ka mga mananaog isip Best Fashion Designer.

Ang maong award naangkon kini ni Philipp Tampus kinsa mao ang nahimong representante sa London Fashion Week niadtong Setyembre 2019.

Ang mga mugna ni Tampus mao ang gisul-ob sa mga kandidata nga gikan sa Mandaue (Ena Velasco), Medellin (Baby Blanche Comecilla) ug Minglanilla (Maria Angelica Pantaliano).

Sila si Alvez ug Ursua sab ang nahimong runner-up sa maong award.

Mas nahimong buhi ang maong kalihokan  sa dihang nagsugod ang pagrampa sa mga kandidata sul-ob ang ilang emerald green nga swimsuit nga gikan sa PauLina collection nga gimugna sa Sugbuanong designer nga si Mikee Andrei kinsa milingkod isip usa sa mga hurado.

Kauban ni Andrei nga mihatag og puntos sa mga kandidata mao sila si 2019 Philippine Elite Award Winner for Fashion nga si Voltaire Tayag; Binibining Pilipinas 2019 1st runner-up Maria Andrea Abesamis; ang modelo nga si Claudia Yeung, ug si Cebu Provincial Sixth District Board Member Glenn Soco.

Dili malikayan nga sa usa ka kompetisyon adunay mga kandidata nga mopatigbabaw. Sila ang nagsilbi nga crowd favorite sa maong gabie.

Pipila sa mga kandidata nga nakadawat og masipang pakpaka mao sila si  Maria Fe Loayon (Poro Camotes), Marla Alforque (Carcar City), Adriana Gravador (Cebu City South), Betty Davis (Cebu City North), Ena Velasco (Mandaue City), Victoria Leslie Ingram (Naga City), Karla Lasquite (Talisay City), Beatrice Luigi Gomez (San Fernando), Chloe Boone (Lapu Lapu City) ug Maria Jocelyn Bula (Santander).

Ang maong gabie dili gyud mahimong kompleto kun dili makapasundayag ang Sandiego Dance Company nga gidumala ni Val Sandiego kinsa adunay dako nga katungdanan alang sa Binibining Cebu 2020 isip stage director ug  choreographer.

Una na nga gibutyag sa  kadagkuan sa Binibining Cebu nga mahimong  engrande ang mahimong pasundayag sa cronation night  sanglit mao na kini ang ikatulong hugna sa kompetisyon ug maatol sab ang maong kalihukan samtang nagsingabot ang Sinulog. Mga hulagway kuha ni Ramon Taguchi