Heart na-starstruck kang Ji-Chang-Wook
CEBU, Philippines — Puwerting lipaya sa Kapuso star nga si Heart Evangelista human niya nahimamat ang Korean superstar nga si Ji Chang-Wook.
Nagkaabot ang duha sa usa ka event sa jewelry brand didto sa Singapore.
Suma pa ni Heart nga boutan kaayo si Ji ug mao gyud kini ang nag- initiate aron magpahulagway sila.
Gi-post ni Heart ang maong hulagway sa iyang account sa Instagram ug Twitter .
Juancho dunay attitude problem?
Niulbo karon ang tsika nga matud pa dunay attitude problem ang aktor nga si Juancho Trivino ug niulbo nga report nga matud pa giyawyawan niya ang driver atol sa taping sa teleseryeng Madrasta.
Dali hinuon nga gihimakak ang maong report. Apan duna pu’’y laing nitumaw nga taho nga matud pa nagkalalis sila sa direktor sa maong teleserye nga si Monti Parungao.
Matud pa nga adunay higayon nga nireklamo si Juancho sa dihang gipabalik-balik siya sa direktor alang sa usa ka eksena.
Wala pa mohatag og tubag si Juancho kalabot sa maong report.
Ai-Ai mipasabot sa viral video
Nihatag na og pagpasabot si Ai Ai delas Alas kalabot sa nag-viral niya nga video kun diin gikanta niya ang “Bang Bang” ni Ariana Grande nga wala nagkadimao ang lyrics.
Kuha kini sa production number ni Ai-Ai kauban ang all-female quartet nga XOXO sa November 4 episode sa The Clash.
Wala ra masuko si Ai Ai sa pagyagayaga sa netizens kaniya ug nihatag siya og explanation niini pinaagi sa Instagram.
“Magpapaliwanag ako ????????????????... inaral ko talaga to at lahat ng mga kanta ko tuwing may concert ako or number ... ewan ko ba pag na stress ako parang yung letra sa teleprompter nawawala sa paningin ko .. ( basta mahaba pa explanation ko pero sa barangay na lang ako mag papaliwanag ) at kahit anong gawin ko memorize parang d ko mamemorize kanta.. (dumating nga ako sa point pag may concert ako kunyare november ang concert july palang nag mememorize nako ng kanta pero pag dating ng nov ganun pa din at may teleprompter pa kakaloka) yun po hehehe basta masayang masaya kumare ko haha @lanimisalucha”,” suma pa sa iyang IG post.
Ginikanan ni Sarah gipasaligan ni Matteo
Gipasalig ni Matteo Guidicelli ngadto sa ginikanan ni Sarah Geronimo nga atimanon gyud niya og tarong ang ilang anak.
Usa ka semana na ang nilabay human giangkon nila ni Sarah ug Matteo nga engaged na sila.
“Family is my number one priority. In this next chapter of my life, I’m extremely excited to start my own family with the love of my life, my fiancée Sarah G,” suma pa sa Facebook post sa Sugbuanon nga aktor.
Nagpasalamat usab si Matteo sa iyang ginikanan gumikan sa pagtudlo kaniya sa values sa usa ka lig-ong pamilya.
“Life will never be perfect but what matters is that we learn, grow and improve until it is our time to take over. My father has been my best example; he is my mentor, my solid rock. Papa and mama’s values, passion and selfless attitude has taught my siblings and me a lot and has molded us to become what we are today,” dugang pa niya. Nasayran nga nauyonan gyud si Sarah sa tanang miyembro sa pamilya ni Matteo.
“One day, I pray, I will do the same for my own family. I’m very blessed and honored that my parents welcomed Sarah to our humble family like another daughter. My sister and little brother loves her the same way. Knowing she is loved and accepted in the family simply fills up my heart with joy,” matud pa ni Matteo.
Dugang pa sa aktor nga nakita gyud niya si Sarah ang pagka-develop niini ngadto pagka-independente nga pagkatawo.
Nipadangat usab si Matteo og mensahe ngadto sa ginikanan ni Sarah nga nagkanayon: “Tito Delfin and Tita Divine, if there have been hard feelings or events that were not supposed to happen in the past, I humbly apologize. I assure you that I will give Sarah a happy life with the best of my capabilities. With pure, honest love and respect. We wish to move forward with our life plans and begin this brand new chapter of our life.”
Tinguha gyud ni Matteo ang usa ka malipayong pamilya.
“Mahal na mahal ko po si Sarah. Mahal ko din po kayong magulang niya at mga kapatid niya. Pangarap ko po na maging isang pamilya tayo. Pangako ko po na aalagan ko si Sarah na kapareho ng pangangalaga ninyo sa kanya,” dugang pa niya.
Piolo gihimong ehemplo ni Maricel
Tsika pa ni Maricel Soriano nga si Piolo Pascual gyud ang iyang ehemplo nga maayong sundon alang sa mga bag-ong artista.
Usa si Piolo nga dili labad katrabaho ug iyaha kining napamatud-an sa dihang iyaha kining nakatrabaho sa pelikulang Mila niadtong 2001.
“Si Piolo kasi, noong ginawa ko yung Mila, alam mo, napaka-professional and very punctual.He’s always in the set na nagbabasa ng script, dala-dala yung unan niya at nagme-memorize ng script at walang kinakausap kundi yung script niya.Kaya sabi ko, noong panahon na yun, sinabi ko na ‘to, na sana, kung merong mga artistang baguhan o pumapasok pa lang sa pag-aartista, tularan nila yung attitude ni Piolo,” saysay pa ni Maricel.
Kapuso stars motikang sa Cebu karon!
Pipila ka Kapuso stars ang manghugyaw sa mga Sugbuanon karong hapon alang sa usa ka Kapuso Mall Show.
Molugwa ang Clash Master ug Asia’s Pop Diva Julie Anne San Jose, usa sa mga bitoon sa Madrasta nga si Anjo Damiles, ug ang Descendants of the Sun (DOTS) star nga si Jon Lucas sa Parkmall karong alas 5 sa hapon.
“Now that the Christmas season has begun, we will continue to reach out to our Kapuso in the regions not just through mall shows but also through other activities, with the hope that #LoveShines in every one of us,” tipik sa mensahe sa GMA Regional TV Vice President and Head Oliver B. Amoroso.
Gitataw ni Luis Manzano nga wala siya nagdali sa pagpakasal kang Jessy Mendiola. Ubay-ubay na ang nangutana kaniya kalabot niini. Matud pa ni Luis nga dili nila itago sa higayon nga magsabot na sila ni Jessy sa maong butang. Ang labing importante kanila nga nagmalipayon sila sa ilang relasyon karon.
Mihirit og laag
Gipahimuslan gyud nila ni Kathryn Bernardo ug Daniel Padilla ang pagtikang nila sa Rome gumikan kay nanglaag gyud sila sa nindot nga mga lugar sa maong dapit . Kabahin ang duha sa “ASAP Natin ‘To” nga mag-show sa maong lugar.
Unbreakable
Gi-release na sa Star Cinema ang recording video nila ni Regine Velasquez-Alcasid ug Moira dela Torre nga maoy official theme song sa pelikulang. Nakadawat gyud og mga pagdayeg ang hugyaw nga rendisyon sa duha ka singers. Ang maong pelikula gibitoonan nila ni Angelica Panganiban , Bea Alonzo ug Richard Guttierez.
Gi-unfriend sa FB
Gikatahong gi-unfriend si Jobert Sucaldito sa Cebuana singer nga si Morissette Amon pagkahuman og pangayo og sorry niini ngadto kaniya. Dili na lang mohatag og komento si Jobert kalabot niini. Kahinumdoman nga nag-sorry si Morissette tungod sa pag-walkout niini isip guest singer sa concert sa singer nga si Kiel Alo.
Bag-ong teleserye
Gikatahong mag-uban sa usa ka teleserye sa GMA-7 sila si Norna Aunor ug Kyline Alcantara. Sunod semana matud pa tukion ang maong proyekto ug gidungog nga usa kini ka remake.
Kever sa bashers
DIli magpaapekto si Sen. Bong Revilla Jr. sa lenggua sa iyang bashers kalabot sa pagkabaton niya og show sa GMA-7 alang sa kabataan. “Haters are going to hate, and bashers are going to bash,” suma pa sa statement sa senador.
Best in paniwang
Gipangandaman gyud ni Lorna Tolentino ang wedding scene niya sa FPJ’s Ang Probinsyano. Nagpaniwang gyud ang aktres alang sa maong teleserye. Wala damha ni Lorna nga magdugay ang iyang partisipasyon niini.
Gitabangan ni Vhong
Giangkon ni Billy Crawford nga ang higala niya nga si Vhong Navarro maoy usa sa nitabang aron mahunong ang bisyo niya sa ilimnong makahubog. Una na nga gibutyag sa TV host nga nibiya na siya sa pag-inom ug usa kini sa mga rason nga nakabaton siya og himsog nga panglawas.
Ethel nagsabak
Human sa iyang kadaogan sa celebrity edition sa Tawag ng Tanghalan” sa “It’s Showtime”, malipayong gipahibalo ni Ethel Booba nga unom na siya ka buwan nga mabdos. Nagkalig-on ang relasyon nila sa iyang uyab nga non-showbiz guy nga si Jessie Salazar.
Best birthday gift
Tsika pa ni Anne Curtis nga usa sa nindot nga birthday gift nga mahatag niya sa iyang inahan mao pagkabaton niini og apo. Kahinumdoman nga emosyonal si Anne sa dihang gipahibalo niya sa publiko nga mabdos siya alang sa unang anak nila sa iyang bana nga si Erwan Heussaff.
Subling magpares
Human sa 23 ka tuig, subling magpares sa usa ka pelikula sila si Janno Gibbs ug Manilyn Reynes. Katapusan sila nga nag-uban sa pelikulang Ober Da Bakod 2: Di Treasure Adventure . Ang bag-o nila nga pelikula nag-ulohan og Mang Jose ubos sa Viva Films.
- Latest