Morissette nanginahanglan og pagsabot

Sanden: Maayong adlaw mga Kabanatanay ug welcome na usab sa laing adlaw sa pagtinubagay sa usa sa mga init nga isyu sa showbiz world. Gipistahan pag-ayo sa social media  sa miaging adlaw ang tsika kalabot sa pag-walk out sa Cebuana  singer nga si Morissette Amon sa usa ka  concert. Ang Cebuana singer maoy special guest sa birthday concert sa bag-ong singer nga si Kiel Alo sa Music Museum sa miaging semana. Matud pa sa  producer sa maong show nga si  Jobert Sucaldito,posibleng na-offend ang singer sa pangutana sa  TV Patrol entertainment reporter nga si Mario Dumaual kalabot sa lovelife ug pamilya niini. Matud pa nga nihilak ang singer ug dili na kini ganahan nga mo-perform  ug giparok pa gyud niini ang iyang ulo sa bungbong. Nipadayag si  Sucaldito sa iyang kahiubos sa gibuhat ni Morissette  ug wala siya nagdahom nga buhaton kini sa singer ngadto kaniya.Nitan-aw sa maong concert niadtong gabhiona sila si Annabelle Rama ug Daisy Romualdez ug wala sila mahimuot sa gibuhat ni  Morissette. Nagkalain-lain ang reaksyon kalabot sa maong insidente, ang uban nilenggua nga naglinabad si Morissette. Apan ang mga  dumadapig ni Morissette  nilenggua nga sabton na lang ang singer  gumikan kay seguradong duna kini bug-at nga rason kun ngano’ng iyaha kining nabuhat. Dili matud pa lalim ang giagian sa singer ilabi na sa iyang pamilya.

Yuri: Hello Tuesday mga KaBANATanay! Sa dili pa ang tanan, congratulations sa atong beshie Jaypee nga very successful kaayo nga event  dili pa lang dugay sa  Carcar City,  Cebu, ang  PaHugyaw!. Tuod man na-hugyaw gyud ang tanan.  Thank you sa ilang pinalanggang mayor nga si Hon. Mercedita Apura. Maayo na lang  kay wala’y nagnilabad nga talents, meaning naabot sa call time, prepared ang talents kay or else magbuwabuwa ang JPL productions. Anyways, si Morissette kay una sa tanan, isa siyang tao, may damdamin na marunong din masaktan. Pero sa iyang gibuhat dili makatao. OA gud kaayo , grabe ka- plastic ang inyong iyaan. Sa  interview niya ni Mario sa ABS-CBN  kay naka-smile gyud siya og maayo pero deep inside she was shouting to stop it.  Yes, it’s a casual interview lang intawon to, wala to’y tumong, gipangumusta siya. Morissette naa intawon ka sa showbiz, dili diay angayan tukion ang imong pamilya ug boyfriend? Imong manager, asa diay atong panahona nga gi-interview ka? Gi-filter na unta ang pangutana nimo. Yes, Morissette you look unprofessional sa mata ng tao, nagpakatao ka lang sana!.Unhan nalang taka daan Jaypee ha, ayaw pagbuot diha  nga sige ko og  ngalngal dire kay ang amiga nimo nga si  Morissette kay daghan na ang na- buwesit.  Halllerrr! mo- comment gyud ang netizens! Sakto diay ang gibuhat ni Morissette nga molakaw nalang siya without any words?Tubag diha minatay Jaypee!

Jaypee: Olah mga kabanatay! Happiest Tuesday. Salamat kaayo beshie Yuri sa dakong suporta. Salamat pod kaayo sa katawhan sa Carcar sa pagsaksi sa Pa-Hugyaw sa Carcar 2019. Ang maong event gidumala sa JPL Events and Productions. Salamat Mayor Apura, Salamat Carcaranons. Salamat mga Bisaya. Ug karon lahos ta sa atong hisgutanan, naghisgut naman gyud ta og bisaya. Bisaya pod ang atung pagasaw-an. Nagbuwabuwa ang baba sa mga tawo sa pag -walk out ni Morissette. Moingon dayon og nidako ang ulo. Hello, pwede before ta mo-bash niya, ato unang usisahun ang mga panghitabo? Klaro kaayo nga niagi og depression ang tawo, kana kay giparok ang ulo sa semento, dili na siya okay. Napuno na gyud siya. Naa pa gyu’y issue sa iyang pamilya, naa pa sa lovelife, ipuno pa ang ka hectic sa schedule, di ba? Kinsa may dili maningning ana? Kani pod si Joebert, sobra ka O. A. Gipadako pa niya ang maong eksena. Kumbaga, nakaminus sa mga bisaya, dayu’g ingun, maninda nalang kono og lechon sa Cebu. Ingun ana sila nakaminus sa Cebu? Tindera nalang ilang tan-aw nato? Mag volt in ta mga bisaya, angay natong protektahan si Morissette. Tingog ug batasan, maayo man si Morissette. Ikaw sad Yuri, dili sad ka kahibalo mosabot uy. Makalagot kay ka besh, maglanlan pa ka og dahon sa santol.

Sanden:  Agoy ,  maayo lage  ang dagan sa imong  panghuna-huna  karon  Jaypee, may gani kay nilaban gyud ka ni Morissette. Abi nako og molikoy nasad na imong panghuna-huna. Sakto gyud ka besh Jaypee , tawo ra pud na si Morissette, kahibalo sad na masakitan. Bisan unsaon og balik, sayop gyud siya pero nanginahanglan siya sa atong pagsabot.  Nahitabo naman, dili na mabalik ang sitwasyon. Ang mabuhat ra gyud nato karong panahona mao ang pagsabot kaniya. Busa ikaw diha Tita Yuri, akong panghinaot nga makamata ka, ug makat-on sa pagpasaylo ngadto sa ubang tawo.  Bisan unsaon nato og paningkamot, dili sa tanang panahon nga mahimo kita nga perpekto.

Yuri: Pagpuyo mong duha, kalami ninyo pakungon.  Excuse me Jaypee, it’s not about depression. It boils down to the attitude. Intawon, maayo kaayo nga singer apan ang batasan ,simang kaayo. Kun naa siyay depression, nipahuway unta siya ug dili mo- accept og mga raket. PROFESSIONALISM is a big word! Si Chocoleit bisan galain ang lawas, the show must go on, Si Regine Velasquez nawagtangan og tingog ,ni -explain. Ang Morissette gadala og  masla, dili lang iyang kaugalingon ang iyang gipakauwawan,  hasta  kitang mga taga Cebu, kay naulaw pud. Sakto rana nga mamaligya nalang siya dire, siyempre  isda iyang ibaligya kay maoy ingon ni Tita Annabelle,  unsa pa man diay??? Aanhin mo ang magandang boses kun basura ang ugali!? For me as a producer (feeling lang), I am disappointed with you Morissette..

Jaypee: Beshie Yuri, excuse me pod. Mas maayu natung gibuhat  ni Morissette kay katu nga point, bisan mag- unsa siya, dili man siya kakanta gyud. Ang- ang man pud nga  pugson nimo. Ang tanan may kinutuban. Mao pod na sa pasensya. Tawo ra pod siya. Ang gantangan kun mapuno na, angay na gyung habwaan. Sa  interview niya before sya ni walk out, kaklaro atong naglisud siya og tubag ato, nagkanga -kanga siya kay naigo na siya ato personally. Kani pod unta ang ubang mga reporters ba, mahimo pod unta ni silang sensitive usahay. Paet. Basta ako, I still admire Morissette, bisag unsa pay ilang iingon. Akong nabantayan noh, ang mga mi-bash niya mga taga Manila ra man pod, kasagaran, diri sa Cebu wala man kaayoy kisaw, si Yuri raman ang ni-bash. Hahahhaha.