Nagkumustahay
CEBU, Philippines — Nagkaabot ang kanhi mag-uyab nga sila si Julia Barretto ug Joshua Garcia sa taping sa ABS-CBN Station ID. Todo kumustahay ang duha sa usag-usa. Nabatyagan usab ni Julia nga nidaot si Joshua busa nikomedya siya nga murag wala’y kaon ang aktor.
Perfect mother
Tsika pa ni Luis Manzano nga mahimong usa ka perfect mother ang iyang best friend nga si Anne Curtis sa higayon nga ihimugso na niini ang anak nila ni Erwan Huessaff. Puwerting lipaya ni Luis pagkahibalo niya sa balita nga mabdos ang iyang soud nga higala.
Carla nalandig sa tambalanan
Nalandig sa tambalanan ang aktres nga si Carla Abellana pagkahuman og taping sa usa niya ka proyekto. Wala pa modetalye si Carla kalabot sa iyang sakit. “At 33 I am at my most unfit and unhealthy state. I wish I were fit and healthy again, but my illnesses hinder me from getting there,” suma pa sa iyang social media post.
Engaged na!
Human gisaulog ang ilang fifth anniversary isip mag-uyab, malipayong gipahibalo nila ni Binibining Pilipinas-Universe 2017 Rachel Peters ug Camarines Sur Governor Migz Villafuerte nga engaged na sila. Sa ilang social media post, giplastada ang diamond ring ni Rachel.
- Latest
