BPCI gitubag si Samantha

CEBU, Philippines — Niisyu na og statement kagahapon  ang Binibining Pilipinas Charities, Inc. (BPCI) human nilengua  ang beauty queen   nga si Samantha Ashley Lo   nga wala gyud siya atimana  niini sa  pagkatanggong niya sa Paris hinungdan nga wala dayon siya makatikang sa Venezuela kun diin pagahimoon ang Miss Grand International 2019.

  Nasayran nga nasangit  si Samantha  sa immigration officials sa  Paris ug gipabalik kini sa Pilipinas  gumikan sa isyu niini sa  iyang Philippine passport.

Una na nga gibutyag  sa Department of Foreign Affairs (DFA) nga wala sa ilang  database si Samantha.

Matud pa sa BPCI nga ilang nahimamat ang mga ginikanan ni Samantha ug    DFA officials sa miaging semana.

Suma pa nga niangkon  ang ginikanan sa beauty queen nga nikuha kini og  passport pinaagi sa fixer.

Hugtanong gihimakak sa BPCI nga wala sila motabang kang Samantha.

 “We are grateful for the intervention of Undersecretary [Brigido] Dulay, which otherwise would have resulted in very serious consequences for Samantha,” dugang statement niini.

 Matud pa sa BPCI nga sa pagbuto sa isyu, ilang gi- reach out  ang ginikanan ni Samantha apan dili na kini makontak.

Nagpakahilom ra unta ang BPCI apan nakugang sila sa statement ni Samantha nga matud pa wala gyud kini kadawat og tabang sa local organizer.  Nakugang ang kadaghanan sa dihang nadayon ang paglugwa ni Samantha sa Venezuela.

 “We had chosen not to make any statements in deference to an ongoing investigation into the matter and to protect Samantha’s privacy after revelations of a fake passport had put her in this situation.” However, due to her social media post, BPCI is forced to make a statement to ensure that only facts are presented, nothing else,”  tipik sa statement.

Ang Miss Grand International  coronation mahitabo na karong  October 25.

Sa pagka-karon, nag-una  si  Samantha   sa online  voting alang sa swimsuit competition.  Gi-post ang mga hulagway sa candidates sa Facebook page sa Ms. Grand International  ug padaghanay kini og likes. 

Sa pag-suwat niining balitaa, nakaangkon na kini og dul-an sa 400K likes  ug layo kaayo ang deperensiya niini sa ubang kandidata.