Pagtin-aw sa isyu

CEBU, Philippines — Hugtanong gihimakak  sa Thai trans woman ug  JKN Global Media CEO Anne Jakrajutatip ang tsika nga nag-link sa iyang pangalan ngadto sa  model-actor nga si  Clint Bondad. Suma pa ni Anne nga susama ra og igsoun ang pagtratar niya kang Clint.

Nagbuwag

Gibutyag  ni  Gab Lagman nga  mutual decision ang break-up nila ni Sanya Lopez.  Suma pa ni Gab nga puros sila busy ni Sanya busa wala gyud mosaler ang espesyal nila nga relasyon.  Gidayeg  ni Gab si Sanya gumikan kay maayo kini og batasan.

Wala’y label

Nagdumili  paghatag og label  si  Janella Salvador sa relasyon nila ni  Markus Paterson.  Igo ra niyam-id  ang mga tsismosa sa lenggua ni Janella.   Nasayran nga plastada na kaayo ang relasyon sa duha.

Best in sayaw

Nahimout  og maayo ang fans ni  Sarah Geronimo sa dihang nilugwa ang ilang idolo sa  “Magandang Buhay” kagahapon   kun diin nisayaw kini kauban ang  impersonator niini nga si  Bench Hipolito. Kasamtangang gi-promote sa aktre ang pelikula niya nga Unforgettable sa Viva Films.

Nag-duet

Nigama og cover sa  awit nga ‘Kung ‘Di Rin Lang Ikaw’    sila si  Jed Madela ug  “Tawag ng Tanghalan” Season 3 grand finalist nga si John Mark Saga.  Gipakita sa duha ang  tataw nga  emosyon  sa among awit.

Naa na’y liwat

Nanganak na ang non-showbiz  partner  ni  Champ Lui Pio nga si Claire Nery. Lalaki ang una nila nga liwat.   Si Champ ang frontman sa banda nga  Hale.

Natuman gyud

Dream come true alang kang  Gretchen Ho nga  maka-duet sila ni  Ebe Dancel. Nag-duet  sila sa   awit  nga “Bawat Daan.” Nahitabo kini sa backstage sa  Happy News University Tour.

Makalingaw nga movie

Gipasalig ni  Vice Ganda nga malingaw  gyud ang publiko sa pelikula nila ni Anne Curtis sa   Metro Manila Film Festival (MMFF)  2019 nga  “The Mall, The Merrier.” Ano ito eh, selebrasyon ito ng madlang people, sa masang Pilipino na marami pinagdadaanan sa buong taon. Kaya siniguro namin ni Anne Curtis na patatawanin namin sila sa Pasko,” suma pa ni Vice.

Kabag-ohan

Tsika pa ni Zephanie Dimaranan nga dako gyud ang kabag-ohan nga nahitabo sa iyang kinabuhi sukad siya nakadaog sa “Idol Philippines” . Nanaghan og samot ang iyang mga higala.  Dakong garbo alang kaniya nga mahimong kabahin sa  “ASAP”.

Jerome mihimakak

Hugtanong gihimakak  sa aktor nga si   Jerome Ponce ang tsika nga matud pa duna siya’y  hubo nga hulagway.   Gikataw-an lang niya ang maong taho  sanglit wala kini kamatouran.

Target si Nadine

Human nibalhin  si  Marco Gallo sa Viva Artist Agency,  nipadayag ang aktor nga intresado   siya nga makauban sa usa ka proyekto  si Nadine Lustre.  Masaligon ang aktor nga makadawat siya og daghang proyekto sa  bag-ong naghupot sa iyang career.