Bag-ong isyu gisagobang ni Alex
Sanden J. Anadia (Banat) - October 19, 2019 - 12:00am

CEBU, Philippines – Gibutyag sa  fitness  coach nga si Miguel Lagman Chanco nga nipadala kaniya og “indecent proposal”  ang Kapamilya star nga si  Alex Diaz. “Actually hindi ko kilala itong tao na ito. 2nd time na sya nag message ng ganyan.Nung una hinayaan ko lang kasi sayang lang sa oras pagpinatulan ang mga bastos,” suma pa sa post ni Miguel nga dunay screenshot sa mga conversation nila ni Alex.

Mao kini ang unod sa screenshot:

“Alex: coach

“Miguel: Yes?

“Alex: between us do you accept indecent proposals

“Miguel: no baka sampalin kita ng pera.”

Samtang  mao usab kini ang sulod sa  ikaduhang   screenshot:  “Alex: sorry man basag ako pasensya na

“Miguel: wala ka talaga respeto?” Samtang sa laing conversation, nihangyo si Alex kang Miguel nga papason ang iyang mensahe.  

Apan pipila ka netizens ang nidapig kang  Alex . Pipila niini ang nipagawas og mga hulagway kun diin  duna kini kauban nga lalaki.

Dali dayon nitubag si  Miguel  niini ug nitataw nga kliyente lang niya ang maong lalaki. Kahinumdoman nga natsismis kaniadto si Alex  nga matud pa uyab ni Tony Lubrasca  butang nga gihimakak sa aktor.

Mga bitoon sa Beautiful Justice nia sa Cebu

Mohatag og kalingawan sa mga Sugbuanon ang ang mga bitoon sa  drama-action primetime series sa GMA-7 nga Beautiful Justice pinaagi sa Kapuso Mall Show nga mahitabo karong  adlawa,  alas kuwatro sa hapon diha  sa SM City Consolacion .

Ang mga artista mao sila si  Gabbi Garcia, Gil Cuerva, Derrick Monasterio ug Yasmien Kurdi.

Sa pagsikad sa maong teleserye,  nagbabag dayon sa mga TV  screen ang   action-packed episodes.

Gawas sa Cebu,  duna pu’y nagkalain-laing dapit sa Visayas ug Mindanao ang gibisita sa pipila ka Kapuso  stars sukad kagahapon. 

Ylona makatrabaho ang international singers

Nagpanikad na si  Ylona Garcia  sa umaabot  niya nga proyekto nga dunay kalabotan sa musika.

Matud pa niya nga makauban niya  ang   international  singers   ug usa na niini ang Grammy award-winning singer  nga  si  H.E.R. Makatrabaho usab niya   ang  rapper ug kanhi  The Voice Philippines coach nga si  apl.de.ap, ug ang  Jamaican singer-songwriter nga si  Skip Marley.

“New stuff coming. Met real [cool people]. Heart is happy. Get ready, ya’ll!” matud pa sa iyang IG post. 

Mapasalamaton sa viewers

Nagpasalamat si Kaye Abad sa tanang viewers sa  teleseryeng Nang Ngumiti  ang Langit nga natapos kagahapon. Nasayran nga mubo lang ang partisipasyon  ni Kaye sa maong teleserye apan dili gyud siya makalimot niini. “Kahit sandali lang ako sa show nagging

malapit sa akin ang cast, directors, staff at crew. At kahit sa maikling pag ganap, napa mahal sa akin ang character ni Ella aka Bunso. Mamimiss ko ang show,” suma pa niya.

Nag-date?

Na-link karon si  KC Concepcion ngadto sa  Black Eyed Peas member nga si Apl.de.ap.  Gikilig ang fans ni  KC sa dihang nag-upload kini og hulagway sa social media kun diin katupad niini ang  singer.

Peke ang passport?

Wala gihapon si  Samantha Ashley Lo sa nagpadayon nga pre-pageant activities Ms. Grand International 2019 . Si Samantha ang pambato sa nasud sa maong indigay. Una na nigawas ang report nga gipabalik ang beauty queen sa Pilipinas gumikan kay dunay problema sa iyang dokumento. Usa sa  nitumaw nga tsika nga matud pa naghupot kini og peke nga passport. Sa pagsuwat niining balitaa, wala pa mohatag og statement ang Binibining Pilipinas Charities Inc. (BPCI) kalabot sa maong isyu.

Mibisita sa nasud

Gikagobtan sa iyang Pinoy fans  ang South Korean singer nga si Kang Daniel  sa dihang niabot kini sa Pilipinas kagahapon.Adunay show ang singer karong gabii sa Mall of Asia Arena alang sa iyang  “Color on Me” Asian tour. Siya ang nagpasikat sa awit nga “What Are You Up To.”

Wala nagkadayon

Tsika pa ni Ria Atayde reveals nga dili pa siya andam nga mosulod og  romantic relationship hinungdan nga wala gyud sila nagkadayon ni JM de Guzman. Mas pilion sa duha nga  mo-focus sa tagsa-tagsa nila nga mga career.

Giidolo ni Zephanie

Si Sarah Geronimo gyud ang idolo ni  Search for the Idol Philippines winner nga si Zephanie Dimaranan. Kahinumdoman nga si Sarah    ang nahimong  coach kaniadto  sa dihang nisalmot si  Zephanie sa The Voice of the Philippines.  “Bata pa lang ako, ‘yung mga songs na niya ‘yung pinapakinggan ko,” suma pa niya.

Gipasidunggan sa YouTube

Nakadawat si  Mariel Rodriguez og  Silver Creator Award  gikan sa  video-sharing site  nga YouTube.Ang maong klase nga award idunol ngadto sa mga Youtube channel  nga nakatungtong na og  100,000 subscribers.Adunay kapin sa   302,000 subscribers ang YouTube channel ni Mariel..

Napakyas sa MMFF

Wala’y entry ang Regal Films  sa Metro Manila Film Festival 2019 . Kahinumdoman nga wala kasulod sa Magic 8 ang gisumiter nga pelikula niini alang sa maong film festival.   Nasayran nga naandan na  kaniadto sa Regal nga makabaton og entry matag tuig sa MMFF .

Nagkaila sa tindahan

Gikatahong  naila-ila ni Karla Estrada   ang iyang non-showbiz boyfriend nga si Jam sa usa ka tindahan  sa  Tomas Morato, Quezon City.  Gikilig matud pa og maayo ang barkada ni Karla sa dihang naila-ila niini ang maong lalaki.

Surprise birthday party

Gisurpresa  ni Mika dela Cruz ang iyang boyfriend nga si Nash Aguas kinsa nagsaulog sa iyang birthday  dili pa lang dugay.   Usa ka birthday party ang gidalit ni Mika sa iyang uyab. Kauban nila ang ilang mga soud nga higala.

ALEX
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with