Madayon gyud
CEBU, Philippines — Malipayong gipahibalo ni Gabby Concepcion nga nagkaistoryahanay na sila ni Sharon Cuneta ug nagkasinabot sila nga ilaha nang dayunon ang taod-taod na nga giplano nga ilang reunion movie. “Okay na, nakapag-usap na kami, positive naman.Hinihintay na lang namin na matapos ang mga shows niya,” suma pa ni Gabby.
Dennis hulman sa Star Cinema
Human nila ni Dingdong Dantes, Alden Richards, ug Maine Mendoza, hulman napud sa Star Cinema ang Kapuso actor nga si Dennis Trillo . Malakip ang actor sa upcoming horror film nga “Hellcome Home.”“Masaya at palaging magandang experience dahil iyon pa lang pong thought na makakatrabaho ko ang Star Cinema, nakakasiguro na ako na quality na proyekto ang gagawin ko,” matud pa ni Dennis.
Walo ka tuig
Kapin na sa walo ka tuig ang relasyon nila ni Joem Bascon ug Crisha Uy. Usa sa nakapalig-on sa ilang relasyon mao ang pagsinabtanay. Wala pa sila naghisgot og kasal apan nagtigom na sila alang sa maong butang.
Graded A
Nakaangkon og grado nga A sa Cinema Evaluation Board ang pelikula nila ni Maine Mendoza ug Carlo Aquino nga ‘Isa Pa, With Feelings’ . Ang maong romantic-drama movie mosikad na sa mga sinehan sugod karong adlawa.
Amahan sa Barrettosisters nanamilit
Mipanaw kagahapon si Miguel Alvir Barretto, ang amahan sa celebrity sisters nga sila si Gretchen, Claudine, ug Marjorie Barretto. Nasayran nga taod-taod na nga nalandig sa tambalanan ang ilang amahan . “Never knew I could HURT like this. Good bye, Daddy,” suma pa sa IG story ni Claudine.
Gipadalhan og buwak
Nagpadala og mga buwak ang French fashion house nga Louis Vuitton ngadto kang Regine Velasquez . Kahinumdoman nga nag-vlog si Regine ug iyang gihisgotan nga gi- discriminate siya sa usa ka staff sa dihang nisulod siya sa usa ka branch sa Louis Vuitton sa New York. Nagtoo ang staff nga dili siya ka-afford sa mga gipamaligya sa maong tindahan.
Nahurot ang P1M
Giangkon ni Miss Q and A winner nga si Juliana Pariscova Segovia nga nahurot na ang iyang P1-milyon nga premyo . Gigamit kini sa kinahanglonon sa iyang balay , ingon man usab sa iyang pamilya. Mapasalamaton usab siya sa ABS-CBN gumikan kay wala gyud pasagdi ang iyang career.
ESkwela ug trabaho
Gibutyag sa “Pinoy Big Brother” winner nga si Yamyam Gucong nga usa sa iyang plano nga iyang idungan ang showbiz ug ang iyang pag-eskwela. Seguradohon lang gyud niya nga mahupot niya og tarong ang iyang schedule.
Malipayon sa pagka-single
Gitataw ni Elisse Joson nga malipayon ra siya sa iyang pagka-single karon. Nakahigayon siya mag-enjoy og maayo sa oras alang sa iyang pamilya ug mga higala.
Michael V nagbangotan
Nagbangotan ang komedyanteng aktor nga si Michael V. gumikan sa kamatayon sa iyang amahan nga si Cesar Felix Bunagan. Wala hinoun niya gidetalye ang rason sa kamatayon niini.
Gihalad kang Maine
Gihalad ni Arjo Atayde ngadto sa iyang girlfriend nga si Maine Mendoza ang nadawat niya nga award sa bag-ohay lang nga 33rd PMPC Star Awards for TV. Siya ang napili nga Best Drama Supporting Actor gumikan sa iyang maayong performance sa teleseryeng The General’s Daughter nga bag-ohay lang nahuman sa ABS-CBN.
- Latest