Korean singer-actress mipanaw
CEBU, Philippines — Patay na nga nakaplagan ang lawas sa South Korean singer-songwriter ug aktres nga si Choi Jin-ri o mas nailhan isip Sulli.
Ang iyang lawas nakaplagan sa iyang panimalay sa Seongnam, Seoul, alas-3:20 sa hapon (Korean time) niadtong Lunes, Oktubre 14, 2019.
Matud pa sa pasiunang report nga nahibulong na lang ang manager sa singer nga dili niya makontak ang iyang talent busa giadto na lang niya kini sa panimalay niini ug didto na niya nakit-an ang patay nga lawas.
Sa pasiunang imbestigasyon, nasuta nga naghikog si Sulli.
Dugang pa nga report nga naghambin og depresyon ang singer.
Wala pa mohatag og statement ang kampo ni Sulli sanglit gusto niini ang pribadong pagpalubong sa aktres.
Niadtong 2014, mialma si Sulli sa nadawat niya nga mga bash online. Dili pa lang dugay , niangkon kini nga duna siya’y panic disorder ug social phobia.
Kanhi miyembro si Sulli sa usa ka K-Pop Group ug aktibo usab ang iyang acting career.
Miho mobalik na sa showbiz
Andam na ang former Pinoy Big Brother housemate nga si Miho Nishida nga mobalik sa showbiz human sa dul-an sa usa ka tuig nga pagpahuway niini.
Mapasalamaton siya sa iyang fans nga kanunay gyud nga mangumusta ug mangutana kaniya kun kanus-a siya mobalik sa showbiz.
Nipahuway si Miho gumikan sa iyang panglawas ilabi na nga duna siya’y gipausab sa iyang ilong.
- Latest