Road to Miss Consolacion 2019

October 26, 2019, 8 pm onwards

Consolacion Covered Court

CANDIDATE NUMBER 3

Name: Angel Faith Tomongha

Age: 20

School: University of San Jose- Recoletos

Course: Bachelor of Science in Information Technology

Motto: Failure is not falling down but refusing to get up.

Pageant Titles/Awards: None

Banat News Hugyaw (BNH): Unsay imong ipasigarbo isip Consolacionanon?

Angel Faith: Ang akong pagka -Consolacionanon. Ang kinaiya nga mobulontaryo ug ang dili hinakog nga pagtabang sa nagkinahanglan. Mapasigarbuhon ko nga moingon nga usa ko ka  Consolacionanon.

BNH: Makiangayon ba nga adunay balaod nga magdili sa asawa/partner pagkuha sa ATM card sa ilang bana/kapuyo? Ngano man?

Para nako magdepende lang kini sa magtiayon kung gusto ba sila or dili. Basta ang importante kay mosuporta sila sa usag- usa sa pinansyal nga paagi.

BNH: Nganong ikaw maoy haom makoronahan isip Miss Consolacion?

Angel Faith: Angay ko nga modaog tungod kay daghan kaayo ko’g plano nga gusto mahitabo ug isip usa ka tigpanalipod, gusto nakong i-share ug mahimong inspirasyon labi na sa mga Out-of-school-Youth nga mopadayon ug tagaan og bili ang edukasyon. Kay tungod niini ,makab-ot nila ang  ilahang gipangandoy.

CANDIDATE NUMBER 4

Name: Catherine Kaye P. Niere

Age: 16

School: Sotero B. Cabahug FORUM

for Literacy

Motto: si potuerunt , cur non ego

(If they can, why can’t I.)

Pageant Titles/Awards:

None

Banat News Hugyaw (BNH): Unsa’y labi nimong gipasigarbo isip Consolacionanon?

Catherine: Ang labi gyud nakong gipasigarbo isip Consolacionanon mao ang pagka- relihiyoso . Proud usab ko kay malinawon ang  pagpuyo sa mga lumolupyo. Nibuswak usab  ang atong ekonomiya sa  atong lungsod.

BNH: Makiangayon ba nga adunay balaod nga magdili sa asawa/partner pagkuha sa ATM card sa ilang bana/kapuyo? Ngano man?

Catherine: Dili makiangayon ang pagpasa ug balaod nga magdili sa asawa/kapuyo sa pagkuha sa ATM Card sa ilang bana/kapuyo, tungod kay ang  kaminyoon ug ang desisyon sa usa’g-usa nga magpuyo sila, gusto silang mahiusa, magtambayayongay ug magtinabangay aron malig-on ang pamilya.  Ug naay balaod nga did-an ang asawa/kapuyo mawala ug moguba kini sa prinsipyo sa kaminyoon ug mawala ang pagsalig sa usag usa.

BNH: Nganong ikaw maoy haom makoronahan isip Miss Consolacion?

Catherine: Dinuyugan sa grasya sa atong Ginoo, nagtoo ako nga haom ug angayan akong makoronahan isip Miss Consolacion.  Primero, nasayod kitang tanan nga ang usa ka beauty pageant dili lang sa kaanyag or pagka lantip ug pangisip pero duna pu’y  kasingkasing sa pag -tan aw alang sa kaayohan sa komunidad.