Bianca ug Sen. Gatchalian nagpaklaro na!
CEBU, Philippines — Gikatahong hinay-hinay na nga gipaklaro ni Bianca Manalo ang realo score nila ni Senator Sherwin “Win” Gatchalian.
Nahugyaw ang followers ni Bianca kagahapon human kini ni-post sa hulagway nila ni Gatchalian.
Kuha ang maong hulagway atol sa 50th birthday celebration ni Sorsogon Governor Chiz Escudero.
“This thing called love”, caption sa maong hulagway.
Nag-post usab siya og pipila ka linya sa awit nga ‘We Go Together’ nga nalakip sa OST sa musical film nga ‘Grease.
Angel nabalaka sa iyang fan
Nabalaka og maayo si Angel Locsin sa usa niya ka fan nga nadisgrasya human kini naneguro nga makakita sa final episode sa teleserye niya nga The General’s Daughter nga nahuman na sa miaging semana.
Nipadangat og mensahe si Angel ngadto sa iyang fans pinaagi sa Twitter.
“Ma’am Evangeline , sana hindi po kayo nagka-injury . At sana po hindi na po masakit ang arm nyo,” suma pa ni Angel.
Nasayran nga ni-post ang maong Twitter user sa iyang hulagway kun diin makita ang nabun-og niya nga bukton human kini nalamba gumikan sa pagdali-dali niya og gawas sa CR aron lang gyud makakita sa ending sa The General’s Daughter.
Sa laing hulagway, ni-post si Evangeline nga nagpakita nga okay na ang iyang kondisyon.
- Latest
