Hiyas ng Grancena 2019

Hugyaw nga Sunday mga BisChikadora!! Akong na realize nga busy man diay ko basta Miyerkoles. Sugdan nako ang akong adlaw sa pagsimba, dayun mo adto sa The Freeman Banat News studio para sa BANATanay Live na Live, pagkahuman mo derecho dayon ko sa Cebu City Sports Center para sa akong belly exercise. Mouli sa boarding house mopahuway kadali para maligo pag- usab kay para sa Oasis of Love Praise and Worship Night. Nakaingon ko nga kun sugdan nimo ang imong adlaw sa Ginoo ang tanan kay hapsayon lang gyud NIYA! Naa man siguro mga kakulian nga dili nimo mapugngan pero carry lang kayo.

Gani, niaging semana mas nahimong espesyal ang akong Miyerkoles gumikan kay pagkahuman sa akong mga bulahaton gikontak man ko sa akong higala nga si Jay-R Yosores para magjudge sa iyang event nga gi organize. Kinsa man ko mo say No basta pasok sa banga ang schedule ug si Jay R pa, nga supportive kaayo sa panahon sa BuenaMano days nako, unya katong nag Live ko sa Unang Hirit ang hugyaw nga suporta nga iyang gihatag sa among team dili gyud nako makalimtan.

Tungod kay dugay man nawala si Jay-R sa pagmugna og events ( weddings, birthdays ug directing beauty pageants, mo host ug mo judge pa gyud), wala siya nawagtangan og paglaum sa dihang dunay mga pagsuway nga naabot sa iyang kinabuhi. “ Kapit lang gyud kay Lord, “ niya pa. Karun, si Jay-R is back on business! Ug sa iyang pagbalik, ang una niyang proyekto mao ang Hiyas ng Grancena 2019. Gi hugyaw niya ang mga nisaksi sa maong indigay sa gwapahay! Bisan og usa lang kini ka sitio apan makaingon ka hala ka hugyaw sa show! Napulo ka mga gwapa ang nagtigi para sa korona. Pak na pak sa opening production number pa lang, nag casual wear, swimwear, casual interview hangtud sa evening gown. Gikan sa 10 ka kandidata ang lima nalang nipadayon para sa Q and A pinaagi sa picture nga ilang makit-an sa screen. Ang mga kandidata nipadayag sa ilang opinion ug nibilib ko kay very intelligent ang Top 5. Nisunod dayun ang awarding, diin ang korona nga gisul-ob sa tulo ka mananaug gikan pa sa Thailand. Hugggyawww ang DMY Productions by Jay- Yosores. Full force ang tanan. Gikan sa host: Jeffrey Janea, voice-over: Lizzo Beating, media in-charge: Jian Paolo, make-up artist/s and wardrobe provider: Precious Dhanna Nicole Patindol, Faith Semblante and Irene Gitgano ug Junalyn Zambo Yee, official photographer : Lee Harvey Caballero.  Salamat kaayo Francis Alexi Yuan, Khu Loren Argawanon II, Yssa Gail, Girlie Montes Abesia ug Yur’s truly isip mga hurado.

Congratulations sa tanang winners:

Hiyas ng Grancena 2019: Chelsea Basaca

1st Runner-up : Kristine Cartuciano

2nd Runner-up: Guia Moreno

Pagkakaron mapasalamaton kaayo si Jay-R sa mga tawong nisalig sa talentong gihatag kaniya sa Kahista-s-an, ug sa mga tawong wala nakalimot kaniya sa panahon nga nagkinahanglan siya og higala. “Now signing on” mode na ang akong higala nga si Jay –R Yosores. Job well done, DMY Productions!!!