Laos na’s Claudine uy!

Sanden:  Maayong adlaw mga Kabanatanay! Akong panghinaot nga naa mo sa pagmaya sa tanang higayon. Sa latest nga tsika ni Piolo Pascual, gipadayag niya nga madayon gyud ang reunion movie nila ni Claudine Barretto. Plantsado na ang script niini  ug si  Cathy Garcia Molina ang ilang direktor. Katapusang nag-uban ang duha sa pelikulang Milan niadtong 2004.   Nagkadaiya ang reaksyon sa publiko niini. Ang uban nalipay ug nagpanikad sa maong proyekto, apan duna pu’y wala kauyon gumikan kay matud pa naluma na si Claudine.  Maghuwat na lang gyud ta sa mahimong resulta niini, nasayod pud baya ta nga dili basta-basta ang direktor niini busa duna gyuy dakong purohan nga mo-click kini.

Yuri: Maayong adlaw mga KaBANATay! Hugyaw kaayo ang closing ceremony sa Cebu Press Freedom Week 2019. Congratulations sa mga winners sa video presentation hilabi na sa LENS nga maoy nakakuha sa unang ganti. Hala noh? Nagkuyog silang duha? No problem with Piolo Pascual pero kay Tiya Claudine, niaksyon ko og kabalaka kay wala nama’y lami intawon si Claudine, nag-atubang sa una og daghang negative issues.  Si Piolo dili ikalimod, maayo gyud na moarte.  Mobilib ko ni Direk Cathy kung  iyang mabuhi ang patay nga career ni Claudine. Hahahaha! Dili na pwede ang pa cute -cute nila kay dili na sila cute. Mao nga take the risk Star Cinema!.

Jaypee: Thank God it’s Tuesday! Kumusta mga beshie!? Aguy naguol gyud ko kay sa nakalabay’ng semana na -hacked ang akong account sa Facebook. Pero matud pa, life must go on. Kun adunay kagul-anan, may kalipay man sab. Dako nakong kalipay kay mobalik na pod sa big screen ang idol nakong si Claudine Baretto. Claudine is Claudine! Daghan na kaayo ang naghinam -hinam sa iyang pagbalik ug usa nako. Excited na kaayo ko nga makasaksi sa subli nga  pag-arte sa akong iyaan. Ug ikaw diha beshie Yuri, ayaw pagpasagad nga wala nay lami si Claudine kay pasok pa gihapon siya sa masa. Ga yaya lang ka da. Ikaw ang way lami ,kay bidli ka. Ahw!

Sanden:  Tita Yuri, nisuol napud ang pagka-nega nimo.  Angayan nato hatagan og tsansa si Claudine , seguro nagbase ka sa history sa iyang pagka-attitude.   Lahi naman karon,   ug nasayod ta kun unsa ka maayo moarte si Claudine atubangan sa kamera .  Positibo lage ang panghuna-huna ni   Hampaslupa Jaypee karong panahona,  naka-kaon tingali og  tansan.

Yuri: Hala noh? Beshie wala na gyud kay laing linya!??? Claudine is Claudine, sa miaging semana kay Angel is Angel. Pag- change pud daw para dili ka ma- hack. Aw unsa ba! Excuse me Sanden! Very normal akong utok! Bakit ba, sakit ang kamatuoran nga dating mga sikat ngayon,laos na? Well, direk Cathy is a good director! Maghinaut ko nga dili mag “A” si tiya Claudine sa shooting. Ang pangutana unsay naa ni Claudine nga nisugal ang Star Cinema???? Ahhhh... Maybe because she is.... Whaaatttt? Hhahahha! Kamong duha lami iparok ang mga ulo sa unlan para makamata mo sa kamatuoran nga wala nay “K” si tiya Claudine! Ako niya mopahuway nalang siya uy.  Basin lain napud nga intriga ang iyang atubangon.

Jaypee: Sanden wala  koy labot anang imong mga gipanglituk nga nakakaon ba ko’g tansan kay lisod man na tunlon. Ikaw lang una kaon ,unya mosunod ra ming Yuri. Ug ikaw beshie Yuri, nisugal man gani ang Star Cinema ana ni Claudine nga matud nimo laos na. So may dako gyud silang pagsalig nga mo -click ni sa masa. Sama nako, daghan pod nga mga fans niya ug mga Filipino ang gimingaw ni Claudine, maong huwag kang magsalita ng tapos ha. Dili  ta katag -an, ma- block buster ni with the presence of Papa Piolo.Basta ako, hoping gyud kaayu ko nga mao na unta ni ang comeback ni Claudine sa ABS-CBN, ang kanhi niya nga pinuy-anan.