Gidayeg kay dili diva

CEBU, Philippines — Gidayeg gyud ni Ara Mina si Sarah Geronimo gumikan kay dili gyud kini diva bisan og taas na kini og naabot sa karera. “Isa siya sa pinakahumble na artista na nakilala ko. Tahimik sya, hindi pa-diva tulad ng iba kahit baguhan pa lang (that’s the reality in our industry) marami rin kasi akong nawitness na nagbago nung sumikat na or kahit matagal ka ng artista at nabigyan ng break ulit nagbabago pa rin sila (sad to say)”, suma pa ni Ara.

Fil-Am, midaog sa SYTYCD

Midaog ang usa ka Fil-Am nga si Bailey Muñoz sa ‘So You Think You Can Dance Season 16’. Ang 19 anyos nga dancer milamang gyud sa iyang lima ka kaatbang nga nagtigi alang sa maong dako nga titulo. Si Bailey nahimo na sab siya nga semifinalist sa America’s Got Talent niadtong 2010.

Malipayon sa kurso

Tsika pa ni Alex Gonzaga nga malipayon ang iyang igsuon nga si Toni Gonzaga nga nakatungha sa Harvard University ug gikuha niini ang mubo nga kurso nga Digital Marketing. Matud pa ni Alex kanunay nga mamalita si Toni kaniya mahitungod sa kasikas sa kinabuhi niini. Daghan kini og nahimamat nga mga marketing heads gikan sa mga dagko nga multimedia nga mga kompanya.

Fan sa BTS

Na-inspire si Arci Muñoz sa Korean group nga BTS mao nga ganado siya nga kat-unon ang lenggwahe sa mga Koreano sa University of the Philippines sa Diliman. Fan si Arci sa maong grupo ug aduna siya’y koleksyon gyud niini. Matud pa ni Arci nga matag Sabado ang iyang klase aron dili maapektuhan ang iyang trabaho.

Ipagawas sa youtube channel

Nangayo og pasaylo ang kanhi 2NE1 members nga sila si Sandara Park ug Bom Pak sa ilang mga supporters nga ginganlan nila og Blackjacks gumikan kay dili mahinayon ang ilang 2019 K-pop Super Concert sa Philippine Arena. Matud pa nila nga ang maong gipangandaman nila nga performance ipagawas kini nila pinaagi sa Youtube channel nga Dara TV. Mapagawas kini sa sunod bulan.

Zaijan, dunay pelikula

Gipahibalo ni Zaijan Jaranilla  nga  angayan siya nga atangan sa iyang mga supporters gumikan kay mobida siya sa usa ka pelikula. Wala pa gibutyag ni Zaijan kun unsa ang titulo sa maong pelikula.

Wala ihimakak

Wala diretsoha’g tubag ni KC Concepcion ang pasangil sa usa ka netizen nga matud pa kanunay siya nga magparetoke sa iyang dagway. Ingon sa maong netizen nga pareho na siya og dagway ni Madame Auring, Michael Jackson o si Arci Munoz tungod kay kanunay kini nga nagpausab. Ang tubag ni KC sa komento sa maong netizen mao ang “Nakaka-proud ka ’te, effort talaga sa pag-enumerate”, banat ni KC.

Julia, vlogger na

Malipayon nga gianunsyo ni Julia Barretto sa iyang Instagram followers nga aduna na siya’y Youtube Channel. Matud pa ni Julia nga miabot og usa ka tuig una siya nakahukom nga sudlon sab ang kalibutan sa pagvlog.

Wala naguol

Wala gyud naguol si Sanya Lopez nga wala pa siya’y karelasyon karon sukad pa gyud pagkabata. Pokus karon si Sanya sa iyang karera. Matud pa niya nga wala siya magdali sa maong butang. “Siguro mas priority ko na pag stable na ang lahat, okay na yung lahat, ‘tsaka na po. Hindi naman po kami lumaking mayaman, di ba? Kaya mas focused po ako ngayon sa work. Pag stable na po ang lahat, kapag okay na ang lahat”, suma pa ni Sanya.

Mas dako ang kita

Giangkon ni Eric ‘Eruption’ Tai nga mas dako ang iyang kita sa Facebook streaming kun itandi niya sa iyang pagbuhat og mga TV projects. Fulltime daddy karon si Eruption ug  gusto niya nga mokita og kwarta nga anaa gihapon sa kiliran  sa iyang anak mao nga dako ang iyang pasalamat nga aduna nay mahimo nga pangita ang usa ka fulltime dad. Dugang pa ni Eruption nga bintaha sab gyud nga gamer siya gumikan kay mao kini ang mahimo niya nga paagi aron nga mokita og kwarta.