Wildflower nominado sa Asia Contents Awards

CEBU, Philippines — Nominado  ang kanhi  drama series  sa ABS-CBN nga  “Wildflower” sa labing una nga  Asia Contents Awards nga pagahimoon didto sa  Busan, South Korea karong October 6.

Kahinumdoman nga sikat kaayo sa nasud ang maong teleserye  niadtong  2017 ug gibidahan kini ni  Maja Salvador.

Ang Wildflower  maoy  bugtong  nominado nga gikan sa Pilipinas alang sa kategoriyang Best Asian Drama .

Makatigi niini ang ubang mga programa nga nagikan South Korea, China, Japan, Hong Kong, Taiwan, Indonesia, Malaysia, Singapore, Thailand, Brunei, Vietnam, Myanmar,  Cambodia ug Laos.  Tinguha sa   Asia Contents Awards mao ang paghatag og rekognasyon sa  TV dramas sa Asia .

Kasamtangang gipasalida ang “Wildflower” sa  New Caledonia, Polynesia.

Palapdan ang studio

Gipadak-an ni  Willie Revillame ang studi sa  “Wowowin” isip   regalo alang sa iyang followers. Suma pa sa TV host ubay-ubay pang kabag-ohan ang buhaton sa studio.

Giingong ipakita kini ni Willie   karong September 30 busa naghinam-hinam na og maayo ang iyang fans niini. 

Pag-arte gisuwayan ni KZ

Suwayan napud sa singer nga si KZ Tandingan ang pag-arte atubangan sa kamera ug mahitabo kini sa iyang upcoming movie nga “The Art of Ligaw.”

Makauban ni  KZ sa maong pelikula   ang aktor nga si  Epy Quizon.

Puwerting lipaya ni  KZ sanglit gi-shoot ang mga eksena niini sa iyang  yutang natawhan, ang  Davao .

Gipalitan og balay

Gipalitan ni Maymay Entrata ang iyang inahan nga si Lorna og balay sa Japan. Matud pa ni Maymay nga naluoy gyud siya sa iyang inahan nga nagrenta gihapon kapin na sa 28 ka tuig nga pagpanilbi sa maong lugar. Dugang pa ni Maymay nga regalo kini niya sa kugihan niya nga inahan.

Sugyot sa problema

Adunay sugyot si Regine Velasquez aron maresolba ang dako nga problema sa trapiko didto sa kaulohan. “May suggestion bakit kaya hindi I-try ng mga kumpanya na iba ibang oras ang labas ng mga tao. Para sa ganon medyo gumaan ang traffic”, tweet pa ni Regine.

Bea nag- negosyo na

Gigamit gyud og husto ni Bea Binene ang iyang kita sa pag-artista gumikan kay nakapatukod na siya sa iyang kaugalingon nga negosyo sa edad nga 21 anyos. Usa ka coffee shop ang  negosyo ni Bea. Achievement alang kang Bea nga nakapundar sa bata lang nga pangidaron.

50 ka tuig gaantos

Talagsaon gyud ang imbitasyon nga gipadala nila ni  Helen Gamboa ug Tito Sotto alang sa ilang mga bisita sa ilang umaabot nga ika-50 nga anibersaryo sa ilang kaminyuon. Nakasulat sa maong imbitasyon nga “Kayo ay lugod na inaanyayahan sa pagdiriwang ng ika-limampung taong pagtitiis ni Helen kay Tito at kahit maputi na ang buhok nyo ay inaasahan pa rin nila ang inyong pagdating sa isang hapunan”.

Wala na magkasinabot

Gipaambit ni  Derrick Monasterio ang istorya sa panagbuwag nila ni  Kathleen Joy Paton. Matud pa ni Derrick nga mutual decision ang nahitabo sa pagtapos sa ilang relasyon . Matud pa niya nga dili na sila magkasinabot sa usa’g usa.

I-seen lang

Dili na tagdon ni Kris Bernal ang mga nakauban niya sa trabaho nga magpatagad ug modiskarte kaniya. “Sa ngayon, parang pag may nagme-message sa akin na mga artista, ‘tapos alam naman nilang may boyfriend ako, parang, ‘Alam niyo naman, di ba? Bakit kailangan niyong maglandi?’ Mga ganun, kaya seen zone lagi sila”, suma pa ni Kris.

Andam magpakita

Ang Bidaman finalist nga si Yuki Sakamoto nipadayag nga andam siya  mag- frontal nudity sa mga proyekto kun kinahanglanon. Matud pa ni Yuki nga walay mawala kaniya kun  buhaton niya kini.

Libro ni Bettina

Gilusad na ni Bettina Carlos ang iyang sinuwat nga libro nga ‘Heartbreaks & Breakthroughs Making Sense of God’s Purpose for Pain’. Matud pa ni Bettina nga tulo ka buwan lang niya gisuwat ang maong libro.

Dili mosugot

Dili mosugot si Dr. Hayden Kho nga sudlon ni Scarlet Snow ang showbiz. Matud ni Hayden nga gusto niya nga mahimong propesyonal ang iyang anak una kini mag-artista.

Gihangop dayon

Malipayon si Rafael Rosell nga taas ang rating sa mga episode sa ‘Parasite Island’ sulod sa usa ka semana nga pag-ere niini. Mao kini ang serye nga iyang gibidahan sukad  siya mibalik sa Kapamilya network.

Pinoy film sa Oscars

Ang pelikula nga  Verdict maoy entry sa Pilipinas  sa  92nd Annual Academy Awards nga nailhan  sa kadaghanan isip Oscars ug nalakip kini sa  International Feature Film category.

Gibitoonan ang maong pelikula nila ni Max Eigenmann ug  Kristoffer King .

 Si Raymund Ribay Gutierrez  ang direktor sa Verdict nga naghisgot sa  domestic violence case.

 Gikatahong produkto kini sa  Brillante Mendoza Film Workshop ug  Armando Lao Found Story School of Filmmaking.

Kahinumdoman nga niadtong  September 8, nakalangkat   ang  Verdict og special jury prize sa  76th Venice Film Festival.

Julia mihirit napud

Imbes nga nahilom na, gipakisaw og balik ni Julia Barretto ang isyu  nga giatubang nila ni Gerald Anderson.

Sa Instagram stories  ni Julia makita nga gipang-post sa aktres ang mga hulagway nila ni Gerald nga kuha sa pelikula nila nga Between Maybes.

Apan nasuta nga igo ra diay nag-promote si  Julia sa maong pelikula nga gipasalida na niadtong Mayo apan niining higayona, ipalugwa na kini sa iWant.

Gipaambit usab  ni  Julia ang Facebook post sa ilado nga  Canadian clinical psychologist-professor-author nga si Dr. Jordan B. Peterson .

Suma pa sa maong mensahe: “When I  am mischaracterized, how do I deal with it?.”

Gikatahong gipadungog-dungog  ni Julia ang iyang bashers. Kahinumdoman nga gipasanginlan si Julia nga maoy rason sa breakup nila ni Gerald ug Bea Alonzo butang nga gihimakak sa aktres. 

Vice ug Ion naghinilakay

Emosyunal sila si  Vice Ganda ug Ion Perez sa  “Mr. Q & A” segment sa  It’s Showtime kagahapon.

Nasayran nga nalangan gamay ang pagsugod sa maong segment gumikan sa  technical problem busa  nag-adlib lang una sila si Vhong Navarro ug Anne Curtis  ug gipangutana nila si Ion kun unsa ang nahitabo.

Giingong nidako ang tingog  ni Ion sa pagtubag niya kang  Anne kung busa gipangutana  na hinuon kini  kun ingon niini ba ang estilo nila ni Vice ilabi na kun mag-‘I love you’   sa usa’g-usa.

Gisungog na pud sila si Vice ug  Ion ug gimandoan sila nga mopaambit sa ilang panaghigugmaay.

 “Tutal tayo naman dalawa sa mundo. Siguro, ito na yung pagkakataon ko para sabihin ko ang nararamdaman ko,” suma pa ni Vice.

Nilenggua si  Ion og , “I love you.”

Nitubag dayon si  Vice og , “I love you. Uy, kinikilig ka.”

Kalit lang gisingot og maayo si  Ion ug nakahilak kini. Nangutana si Vice og, “Ba’t ka naiiyak?”

Nitubag dayon  si  Ion, “Hindi, kinikilig lang ako.”

Nakahilak  pud si Vice sa tubag ni Ion.

Saysay pa ni  Ion, “Wala, kasi ang saya kapag nakikita siyang masaya. Kasi ang sarap makita… ang sarap makita na masaya ang taong mahal mo.”

Moira nagpatabang sa coach ni Catriona

Todo pasalamat ang singer nga si  Moira Dela Torre ngadto kang Carlos Buendia, Jr.  kinsa nitabang kaniya  aron maanam-anam og kawala ang iyang batasan nga makulbaan og  kalit kun motungtong na sa entablado.

Usa ka  artistic director sa  University of Sto. Tomas si Carlos  ug usa kini sa mga coach ni  Catriona Gray .

Si Carlos ang usa sa mga nagtudlo kang  Moira aron mahimo kini nga komportable sa labing  una  niya nga solo concert.

 “This isn’t known to many, but one of the many things I knew I had to slowly overcome before stepping on that stage— was my stage fright. The fear of being bullied for how I spoke and ‘lack of energy’ unknowingly paralyzed me to move and maximize my emotions and my stage,” suma pa sa iyang IG post.