Sanya vs. Barbie

CEBU, Philippines – Si  Sanya Lopez ang bida  sa episode sa  Magpakailanman sa GMA-7 ugma sa gabii.   Makatigi  niya  ang episode  sa  Maalaala Mo Kaya sa ABS-CBN nga pagabidahan ni  Barbie Imperial.   Gipagawas na ang tagsa-tagsa nga teaser sa maong mga show.

Okay na

Gitataw na nila ni  Kylie Verzosa ug  Maxine Medina nga okay na ang ilang panagtagdanay. Kahinumdoman nga nalain si Maxine kang Kylie human siya nalud-an niini sa dihang gigama nila ang usa ka eksena sa teleseryeng Los Bastardos sa ABS-CBN.  Matud pa ni Maxine nga nangayo na og pasaylo si Kylie kaniya.

Nagbaha ang endorsements

Nagbaha ang endorsements ni  Marian Rivera karong panahona, Dili pa matino sa aktres kun kanus-a siya makabalik sa pag-arte. Una na nga gibutyag ni Marian nga prayoridad niya ang iyang pamilya ilabi na nga duha na ang anak nila ni Dingdong Dantes.

Nag-abot sa NY

Nagkaabot  gyud didto sa New York ang soud nga maghigala nga sila si  Mariel Rodriguez ug  Toni Gonzaga.  Sa maong dapit ihimugso ni  Mariel ang ikaduha nga anak nila ni Robin Padilla. Samtang si Toni nikuha og short course sa Harvard University sa Cambridge, Massachusetts.

Naka-move on na!

Naka-move on na si Kim Domingo sa breakup nila ni  Mike Acu?a. Gitataw sa aktres nga dili pa siya andam nga mosulod pagbalik sa usa ka relasyon. Kahinumdoman nga niabot og tulo ka tuig ang relasyon nila ni Mike busa dili gyud lalim sa dihang nagkabuwag sila niini.

Lovi target ni Gil

Gipangandoy sa  Kapuso actor nga si Gil Cuerva  nga makatrabaho puhon  si Lovi Poe. Usa sa gikabisihan karon ni  Gil mao ang bag-ong drama action series sa GMA-7 nga  Beautiful Justice. Mapasalamaton si Gil sa iyang mother network sa gihatag nga pagsalig kaniya.

Nangandam sa kasal

Anam-anam na nga gisugdan ni  Angel Locsin ang preparasyon sa kasal nila ni Neil Arce nga mahitabo sunod tuig.  Gusto lang gyud sa aktres nga maseguro ang matag detalye niini.

Gidonar deretso

Nakadawat og usa ka special award si  Jane de Leon sa  ABS-CBN Ball. Ang premyo nga iyang nadawat, iyahang gideretso og donar sa  Bantay Bata 163 . Si Jane ang bag-ong bida  sa movie remake sa Darna.

Depende sa dagan sa panahon

Dili pa gyud masulti ni Coco Martin kun kanus-a mahuman  ang  Probinsyano.  Dili maghuna-huna si Coco niini gumikan kay nalingaw na siya sa maong serye nga nagtuki sa nagkadaiyang isyu sa komunidad. Ubay-ubay na ka mga  artista ang nahatagan og trabaho ni Coco sa maong teleserye.

Tungod sa Killer Bride

Aminado si Geoff Eigenmann nga nakatabang gyud sa pagmintinar  sa tulin niya nga career karong panahona ang pagkalakip  niya sa teleseryeng  ‘The Killer Bride’.  Kanunay nga trending ang mga episode sa maong teleserye nga gibidahan ni Maja Salvador.