Na-pressure sa ABS-CBN Ball

CEBU, Philippines – Giangkon ni Liza Soberano nga na-pressure siya ABS-CBN Ball gumikan sa grabeng expectation kaniya sa mga tawo.  Naandan na nga mag-atang gyud ang mga tawo sa sul-ubon sa ilang mga idolo  sa maong event. Hinoun naghinam-hinam na siya gumikan kay mahimamat niya ang iyang mga higala sa industriya.

Nanuroy sa Bali

Gikatahong gisaulog nila ni Sarah Geronimo ug Matteo Guidicelli ang ilang 6th anniversary didto sa Bali, Indonesia. Taod-taod na nga gilenggua sa ilang fans nga kasal nalang ang kulang sa duha gumikan sa kalig-on sa ilang relasyon.

Mapasalamaton gihapon

Bisan wala makadaog sa “Bidaman” ang singer-model nga si Yuki Yakamoto, malipayon gihapon siya sanglit nahimo kini nga instrumento sa pagpangita sa iyang Japanese father. Mapasalamaton siya sa It’s Showtime gumikan kay nagkadaghan ang iyang fans sukad siya nisalmot sa usa ka contest sa maong show.

Lisod nga role

Tsika pa ni Aicelle Santos nga mas lisod ang pag-portray sa role nga Elsa sa musical play nga Himala kumpara sa pagdala niya isip Gigi sa Miss Saigon. Si Norna Aunor ang nidala isip Elsa sa movie version sa Walang Himala.

Chito ug Neri nag-negosyo

Malipayong gipahibalo sa magtiayong Neri Naig ug Chito Miranda nga posibleng mobukas na sulod karong tuiga ang labing una nila nga negosyo ,ang The Miranda’s Rest House. Todo pangandam na ang magtiayon sa bag-ong butang nga ilang gisudlan.

Dugay pa

Wala pa’y ideya  si  Lorna Tolentino kun kanus-a kutob ang iyang partisipasyon sa Ang Probinsyano.  Suma pa ni LT nga nag-enjoy siya og maayo sa maong teleserye.

Mobakasyon sa Iceland

Gitataw nila ni Kathryn Bernardo ug Daniel Padilla nga mobakasyon lang sila sa Iceland. Dili tinoud ang nitumaw nga taho nga mayud pa duna sila’y shooting sa maong dapit.

Dani nanganak na

Gihimugso na ni  Dani Barretto  ang labing una nga anak nila ni  Xavi Panlilio. Usa kini ka  babaye ug ginganlan nila kini og Camilla Marguerite.  Gipahibalo nila kini pinaagi sa ilang Instagram post kagahapon.

Mag-solo

Mag-solo lang si  Bea Alonzo sa pagrampa sa  red carpet sa  ABS-CBN Ball 2019 . Pipila na ka semana nga single si Bea human sa kontrobersyal nga breakup nila ni Gerald Anderson.

Hollywood stars sa Probinyasno

Pipila  ka  Hollywood stars   ang gikatakdang molugwa puhon sa Ang Probinsyano nga gibidahan ni Coco Martin.  Naandan na sa maong programa nga mopasulod og daghang artista  gumikak nagkalain-laing dagan sa istorya niini.

Ubanan sa uyab

Malipayong gipahibalo  sa Killer Bride” star  nga si Maja Salvador nga makauban niya ang iyang boyfriend   nga si  Rambo Nuñez sa  pagtambong sa ABS-CBN Ball. Suma pa ni Maja nga imbitado  ang iyang boyfriend sa maong kalihokan.