Suportado sa ex
CEBU, Philippines — Malipayon ang beauty queen-actress nga si Winwyn Marquez alang sa lovelife sa iyang ex-boyfriend nga si Mark Herras kinsa bag-ohay lang nianunsyo sa relasyon nila sa newbie actress nga si Nicole Donesa. Nagkauban sila si Mark ug Nicole sa bag-ohay lang natapos nga teleserye sa GMA-7 nga Bihag.
Emosyonal
Nahimong emosyunal ang panagkita sa comedian-TV host nga si Eagle Riggs ngadto sa nakabangga niya nga motorcycle driver ug construction worker nga si Rey Pacaldo. Na-confine si Eagle sa MMG-PPC Cooperative Hospital .
First project
Makita na sa teleseryeng FPJ’s Ang Probinsyano ang Pinoy Big Brother Otso housemates nga sila si Franki Russell ug Diana Mackey. Mao kini ang first acting project sa duha human sa ilang PBB stint. Midala isip mga pulis sila si Franki ug Diana ug nalakip sa Task Force Aguila .
Mitubag sa netizen
Gitubag sa aktres nga si Jessy Mendiola ang usa ka netizen kinsa nilenggwa nga wala na siya’y project. Giasoy niini nga aduna siya'y upcoming Kapamilya teleserye nga Sandugo nga gibidahan nila ni Ejay Falcon, Aljur Abrenica ug Elisse Joson. Giklaro ni Jessy nga personal niyang ‘choice’ ang pagpahuway una og dawat og mga proyekto.
First baby
Natawo na niadtong Sabado ang ikaduhang anak nila ni Jomari Yllana ug partner niini nga si Joy Reyes. Ginganlan nila ang bag-ong natawo nga batang lalaki nga Fangio.Nag-post og hulagway si Jomari sa bag-ong natawo.
Samokan sa mobile game
Gipaambit ni Maymay Entrata ang usa ka butang nga dili ganahan sa iyang ka- love team nga si Edward Barber ug mao kini ang pagkaadik niini sa mobile game. Gipaambit kini ni Maymay pinaagi sa usa ka video blog niya nga adunay 200,000 views sulod lang sa usa ka adlaw.
Update sa career
Mihatag og update ang Korean superstar nga Lee Min Ho kalabot sa upcoming series niini human natapos ang iyang military service. Mobida matod pa siya sa upcoming series nga The King: The Eternal Monarch.“Actually, the script is out already. We’re going to start filming soon, the earliest we may begin filming is in September. The drama is scheduled to begin airing in March,” asoy pa niini.
Inahan ni Gerald miapil na!
Nitingog na ang inahan ni Gerald Anderson nga si Evangeline "Vangie" Opsima kalabot sa kontrobersiyal nga breakup sa anak niini ug sa aktres nga si Bea Alonzo.
Sa nahitabong interview ni Mommy Vangie sa TV Patrol South Central Mindanao nga gipagawas niadtong Biyernes, nipadayag kini sa iyang kahiubos ngadto ni Bea.
Dili matod pa maantos ni Mommy Vangie ang mga balita nga nanggawas batok kang Gerald human sa breakup nila ni Bea.
“Hindi ka niya binastos kailanman. Kahit hindi niya alam… alam mo, nag-a-argue kami ni Gerald laban sa 'yo dahil ayaw nga kita para sa kanya.Ngayon, ito na lang gawain mo sa kanya, binabasura mo ang bata.Lagi mong pinatatamaan ang anak ko. Ano na ba kasama si Gerald?”pahungaw pa sa inahan.
Gawas niini, gipikhan sab niini ang make-up artist ni Bea nga aduna pu’y bati nga giistorya ngadto ni Gerald.
“Isa pa na hindi ko nagugustuhan?Pati make-up artist mo, magbitaw ng salita laban sa anak ko. Hindi naman ako puwedeng manahimik sa mga lumalabas na isyu, lalo na si Bea na humaharap talaga sa TV,"asoy pa niini.
Wala sab nagduha-duha ang inahan ni Gerald sa paghatag og mensahe ngadto sa na-link ni Gerald nga si Julia Barretto.
“Hindi ko nga sinasabi na ayaw kita, 'no.Ang akin lang, advice ko lang sa 'yo, please, ayaw ko kasi may edad na rin Gerald sa 'yo. Hindi rin kayo magtagal dahil alam ko nasa industriya,” suma pa niya.
Sa pagka karon, wala pay tubag silang Bea ug Julia kalabot sa pahungaw ni Mommy Vangie.
- Latest