Mommy makeover

CEBU, Philippines — Daghang netizens ang naghinamhinam sa dihang mikatap karon ang video nga gi-makeover ang sexy star ug mommy na karon nga si Ellen Adarna. Duha ka tuig nga nagpahuway sa showbiz ang aktres. Nahimong modelo karon si Ellen sa usa ka aesthetic center nga nakabase sa Manila.

800m na ang kita

Natupngan na gyud sa 'Hello, Love, Goodbye' ang pelikula nga 'The Hows of Us' nga managsama nga gibidahan ni Kathryn Bernardo. Gikalipay sa production team niini ang dakong kalampusan nga naangkon sa maong pelikula nga padayon pa nga gipasalida sa mga sinehan.

Mga kriminal

Managsama nga kriminal ang role nila si James Reid ug Nadine Lustre sa bag-ong music video nga gipagawas niini sa Youtube. Ang kanta nga giawit ni James, nag-ulohan og 'Fiend'.

Hands on sa farm

Hands on si Zsa Zsa Padilla sa iyang farm. Sa matag higayon nga dili siya busy sa showbiz, sa iyang farm siya makit-an nga nangguna, nagtanom og mga prutas ug utanon. Ubay-ubay na sab og napupo ang singer  sama sa bayabas, saging, nangka ug santol nga gikan gyud sa iyang gipanag-iya nga farm.

Napuhalan

Kapin 16 ka tuig sa dihang wala nakahimo og pelikula si Andrew E. Matud pa sa rapper nga nihinay ang dagan sa iyang karera sa dihang misulbong na ang grupo nga F4 ug ang Pinoy Big Brother. Kwentada niya nga kapin gyud sa usa ka dekada usa siya nakabida pagbalik pinaagi sa  'Sanggano, Sanggago’t, Sanggwapo' kun diin makauban si Janno Gibbs ug Dennis Padilla.

nag-enjoy sa sex scenes

Gitug-an ni RK Bagatsing nga wala siya'y problema kun makadawat siya og role nga dunay malaw-ay nga mga eksena. Bida siya sa 'Cuddle Weather' kun diin makauban niya si Sue Ramirez. Matud pa niya nga nag-enjoy gyud siya niini sa paggama gumikan kay mura lang sila  og nagduwa samtang nagshoot.

Muslim

Usa ka muslim ang karakter ni Judy Ann Santos sa umaabot nga pelikula nga hatagan og direksyon ni Brillante Mendoza. Mag-ulohan kini og 'Mindanao'.

Niboluntaryo sa butt exposure

Si Marco Gumabao ang niboluntaryo nga aduna siya'y butt exposure sa pelikula nila ni Anne Curtis nga 'Just A Stranger'. "Siyempre, down the road, ito naman yung path o pagiging hunk actor na tinatahak ko na landas. So, in the future, magpapakita rin ako ng butt, whether I like it or not", suma pa ni Marco.

Back to work

Back to work na karon si Lovi Poe human sa unom ka buwan nga pagbakasyon sa Amerika. Kasamtangang naggama si Lovi sa proyekto nga 'The Annulment' kauban si Joem Bascon ug aduna sab siya'y umaabot nga pelikula kauban si Marco Gumabao ug Tony Labrusca nga mag-ulohan og 'Between Goodbyes'.