Dennis nakighinabi kang Gerald
Sanden J. Anadia (Banat) - August 21, 2019 - 12:00am

CEBU, Philippines – Giangkon ni  Dennis Padilla nga nakighinabi  siya kang  Gerald Anderson human nagsagobang og isyu ang   iyang anak nga si Julia Barretto.

Matud pa niya nga usa lang ka simple  nga pahimangno ang gipadangat niya ngadto kang Gerald.

“Nag-text muna ako noong lumabas ‘yung isyu. Nag-text lang ako. Tapos tumawag siya, kinausap ko. Pagkausap ko, ni-remind ko lang sa kanya, ‘Pare, anak ko ‘yan.Yun lang. Siguro naman alam niya na ang lalim noon dahil lalaki siya,” suma pa ni Dennis.

Gitambagan ni  Dennis  ang iyang anak nga si Julia  nga mopahuway una sa social media.

“Siyempre kapag anak mo, siyempre ang una mong gagawin ay proteksiyunan. Sabi ko sa kanya, ‘Huwag ka na munang mag-social media, pahinga ka muna sa social media. Mas maganda magbakasyon ka muna,’” matud pa niya.

Wala gidetalye  sa aktor ang kinatibuk-an  nga topic sa ilang giistoryahan.

Coco molugwa sa KG?

Gi-share ni  Dimples Romana sa Instagram ang hulagway niya kun diin tupad niya si Coco Martin. Nikomedya si Dimples nga basin  molugwa og  kalit si Coco Martin sa teleserye nga Kadenang Ginto. Kahinumdoman nga nahimong trending  ang cameo appearance nila ni  Bea Alonzo ug Angel Locsin sa Kadenang Ginto.

Naligsan og motor

Pasakahan gyud og kaso  ni Eagle Riggs ang  driver sa motorsiklo nga nakabangga kaniya didto sa  Palawan niadtong August 18.  Nitumaw usab ang taho nga nakainom ang maong driver.  Suma pa ni Eagle nga ang maong driver ang pabayaron sa bayranan niya sa tambalanan.

Mga babaye ni Gerald

Nagbinayloay og mga mensahe  sila si Kim Chiu ug Julia Barretto.  Usa kini ka friendly conversation  kalabot sa women’s volleyball match sa ABS-CBN All Star Games 2019.  Sila ang team captain sa lain-lain nga team.  Nahimuot  ang mga himantayon sanglit susama ang duha nga dunay koneksyon kang Gerald Anderson.    Kanhi uyab ni Gerald  si Kim, samtang si Julia ang babaye nga na-link karon sa aktor.

Grabe og expectation

Giangkon ni Tony Labrusca nga duna pud siya’y  gamay nga kahadlok   sa higayon nga duna siya’y bag-ong proyekto gumikan sa dako nga expectation ngadto kaniya.  Kahinumdoman nga nagsagunson ang mga dagkong projects ni Tony  busa kinahanglan nga imintinar ang maayo niya nga performance atubangan sa kamera.

Gusto og teleserye

Nagpatabang si Kris Aquino ngadto kang  Manay Lolit Solis nga ma-negotiate siya sa  GMA-7 aron makabaton og  afternoon drama series.  Wala na mohatag og lapad nga nga detalye si Kris kun komedya pa ang maong mensahe nga gipadala niya pinaagi  social media.

Wala mataypi

Nagbaha  ang nipindot sa dislikes  kay sa likes  sa  video sa  song number nila ni  Joshua Garcia ug Julia Barretto sa ASAP Natin ‘To Bay Area.   Pipila ka netizens ang nilenggua nga klaro  kaayo nga gimik lang ang maong song number aron mohumot ang pelikula nila nga Block Z.

Okay ra uy

Giklaro  ni Maxene Magalona nga  wala siya’y sakit.  Nasayran nga nabalaka pag-ayo ang iyang mga kailaw tungod sa kaniwang sa iyang lawas.  Suma pa ni Maxene nga resulta lang kini sa target niya nga pagpaus-os sa iyang timbang.  Todo diet ug ehersisyo ang gibuhat karon  sa aktres. “Okay lang po ako,” hirit pa sa aktres.

Laing nasud

Sa laing nasud mo-eskwela ang anak  nila ni Sen. Kiko Pangilinan ug Sharon Cuneta nga si Frankie.   Kahinumdoman nga  sa laing nasud usab ga-eskwela kaniadto  ang usa ka anak ni Sharon nga si KC Concepcion.

Nisikat si ate

Nahimong viral sa social media ang  Pinay fan sa pelikulang Hello, Love, Goodbye  human kini nagpakita sa iyang mga hulagway atol sa pagtikang niya sa usa ka building sa Hong Kong kun diin gihimo ang pipila ka mga eksena sa maong pelikula nga gibidahan nila ni  Kathryn Bernardo ug Alden Richards.

Mibisita kang FPJ

Nipadangat si  Coco Martin sa iyang  tribute ngadto sa movie icon nga si  Fernando Poe Jr. nga nitungtong sa iyang    80th birth anniversary kagahapon.   Nibisita  si Coco kagahapon  sa buntag sa gilubngan ni  FPJ sa Manila North Cemetery. Kauban ni Coco ang co-stars niya sa Ang Probinsyano nga sila si John Prats, Marc Solis, John Medina, CJ Ramos, Lester Llansang, Sancho delas Alas ug Bryan Lao. 

DENNIS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with