Regalo sa kaugalingon
CEBU, Philippines — Ang pagbakasyon sa Singapore ang regalo ni Alden Richards sa iyang kaugalingon human sa sagunson nga trabaho nga iyang nadawat. Malampuson karon ang gibidahan niya nga ‘Hello, Love, Goodbye’ ug karon misunod dayon ang serye nga ‘The Gift’.
Nakabasa na daan
Kahibalo na si Erwan Heusaff nga daghan ang mahitabo nga intimate scenes sila si Marco Gumabao ug Anne Curtis sa pelikulang Just A Strangers. Gibasa niya ang script una pa nakabasa si Marco niini. Suportado ni Erwan ang showbiz career sa iyang asawa nga si Anne.
Pahimangno ni Gerald
Pahimangno ni Gerald Anderson sa katawhan nga huna-hunaon daan sa dili pa mag-post sa social media ug dili dayon motuo sa mga impormasyon nga walay igo nga basehan. “Dapat lagi tayo mag-research bago mag-decide on what to believe .. civilians, celebrities, news channels, lets be responsible on what we take and put on social media and other media accounts... we have to stay united as a country”, suma pa ni Gerald.
Makauban si Juday
Gikalipay og maayo ni Raymart Santiago nga makauban si Judy Ann Santos sa mga proyekto niya sa Kapamilya network human sa pipila ka tuig niya nga pagpahuway sa showbiz. Siya ang mahimong leading man ni Juday sa Starla ug nakatrabaho sab niya kini sa ‘FPJ’s Ang Probinsiyano’.
Mas Malipayon
Sa basketball, pamilya ug negosyo na nagtuyok ang oras karon ni James Yap. Gihulagway ni James nga mas malipayon siya karon nga dili kaayo alingugngog ang iyang palibot human siya nipalayo sa kalibutan sa showbiz.
Gitanyagan og drugas
Dili makalimtan ni Dennis Trillo sa dihang mibisita siya sa nasud sa Cambodia kaniadto. Matud pa niya nga pagnaog niya sa ilang gisakyan kay aduna nay nitanyag kaniya og mga nagkadaiyang klase sa drogas.
Andam na makaanak
Andam na makabaton og anak si Anne Curtis. “Let’s just say I think I’m at that age naman na talaga na anytime that it happens ay ready na akong maging momshie”, suma pa ni Anne.
Thanksgiving Concert
Mopahigayon og Thanksgiving concert ang ‘Idol Philippines’ grand winner nga si Zephanie Dimaranan. Mahitabo kini karong Agosto 24 sa Biñan, Laguna.
Bilib kang Bea
Bilib si Jameson Blake sa pagpkapropesyonal ni Bea Alonzo nga bisan pa man nga anaa kini gikalambigitan nga isyu, padayon gihapon kini nga mokayod sa trabaho. Magkauban sila si Jameson ug Bea sa usa ka serye puhon. “I can see her, like, you know, I mean, if she’s going through something, I can say na she is really a strong woman and kaya niyang dalhin yung sarili niya”, suma pa ni Jameson.
Music Video ni Yassi
Gipagawas na ni Yassi Pressman ang music video sa iyang single nga ‘Sige Na Please’. Sa Instagram post ni Yassi, nanghinaot siya nga unta magustuhan kini sa iyang fans.
- Latest