6M IG followers

CEBU, Philippines – Nagmaya og maayo si  Andrea Brillantes human niabot na og  6 million ang iyang  followers sa  Instagram .  Naglawig gihapon ang career sa aktres ilabi na nga sikat kaayo ang afternoon series niya nga Kadenang Ginto.

Giregalohan ni Kris

Nagpadala og mga regalo  si Kris Aquino ngadto kang Gabby Concepcion sa unang adlaw sa shooting  sa ilang pelikula nga Kampon.  Mao kini ang pambato sa Quantum Films sa Metro Manila Film Festival 2019.

Mihatag og tips

Sa paglugwa ni  Judy Ann Santos sa Ang Probinsyano, nakahatag gyud siya og dugang tips sa bida niini nga si Coco Martin.  Dakong garbo alang kang Juday nga mahimong special guest sa maong sikat nga teleserye sa ABS-CBN.

Attitude problem?

Tak-om lang si  Erich Gonzales sa nitumaw nga tsismis nga matud pa duna siya’y attitude problem.  Una na nga niulbo ang taho nga nalipay ang mga production staff sa teleserye nga Love Thy Woman human nipahibalo si Erich nga dili  na siya mopadayon sa maong proyekto.

Kontento sa pribadong kinabuhi

Dili pa intresado si KC Concepcion nga mobalik sa showbiz.  Nalingaw matud pa siya sa iyang pribadong kinabuhi.   Hinuon aktibo siya  mga magazine shoot.  Wala gihapon mohatag og komento si KC sa report nga matud pa nagbuwag na sila sa iyang uyab nga si Pierre Emmanual Plassart.

New movie

Busy karon si  Myrtle Sarrosa sa promosyon  sa iyang pelikula nga Ang Henerasyong Sumuko sa Love ubos sa  Regal Films. Kauban niya sa maong pelikula sila si Tony Labrusca, Jane Oineza, Albie Casiño ug Jerome Ponce.

Heaven mihimakak sa isyu

Hugtanong gihimakak ni  Heaven Peralejo ang taho nga matud pa gigamit niya ang credit card sa iyang kanhi boyfriend nga si  Jimuel Pacquiao.  Una na nga gibutyag sa aktres nga malinawon ang breakup nila ni Jimuel.

Monsta X mobalik sa nasud

Mobalik sa Pilipinas ang sikat nga  K-Pop group  nga Monsta X alang sa usa ka  special show. Mahitabo kini karong September 7 didto sa kaulohan.  Ang maong grupo gilangkoban  nila ni Shownu, Wonho, Minhyuk, Kihyun, Hyungwon, Joohoney ug I.M.

Nakasinati pud

Giangkon ni  Ice Seguerra  nga nakasinati na siya og diskriminasyon ilabi na sa higayon nga mosulod siya og public comfort room.  “Honestly, this is one of my biggest fears whenever I’m out. Lalo na pag nasa Arabic countries ako. Pag sa pambabaeng banyo, ilang beses na akong pinalabas. And kung sa panlalaki naman, ang daming tanong, lalo na kung may mga Pinoy. Kapag may ASEAN events akong dinadaluhan nung nagtatrabaho ako sa NYC, hindi ako umiinom ng tubig buong araw kasi natatakot ako mag-banyo,” suma pa sa IG post ni Ice.

Duha ka tuig na!

Gisaulog nila ni Wil Dasovich ug  Alodia Gosiengfiao  dili  pa lang dugay ang ilang 2nd anniversary isip mag-uyab.   Malipayon ang duha gumikan kay nagpabilin nga lig-on ang ilang relasyon bisan pa man nga duna sila’y mga pagsulay nga naagian.