The “Black” Bride
Jaypee Lao (Banat) - August 14, 2019 - 12:00am

CEBU, Philippines — Nakugang ang social media world sa Sugbo niadtong mga nakalabay’ng adlaw human ang usa ka singer-bride gikasal sa iyang kapares sul-ob ang itom nga wedding gown.

Dakong katingala sa kadaghanan sanglit ang pagtuo nilang sa Wildflower teleserye lang ni Maja Salvador kaniadto nga eksina mahitabo, nahatagan man og katumanan sa tinud-anay’ng kinabuhi.

“I have decided to wear black wedding gown by Hanz Coquilla because for me black is sophistication, power and it also represents my passion for music. My favorite genre of music is Rock, thus, the reason for picking a glam rock theme wedding,” saysay pa ni Mary Therese  Celis Rigor, ang babaye’ng nagtrending nga maoy nag sul-ob sa itom nga wedding gown.

Gikasal siya ngadto kang Benjie Rigor niadtong August 8, sa Slabadu Cafe Bistro sa dakbayan sa Mandaue pinaagi sa usa ka Christian wedding nga gipanguluhan ni Pastor Dutch Manzano.

Kinsi ka tuig na silang nag-uban sa pagpanimuyo sa iyang bana usa sila gikasal.

Duna na pod silay tulo ka anak ug kauban sab niya ang iyang bana sa iyang pagpanrabaho sa laing nasud isip band member.

Usa ka lumad nga Sugbuanon si Mary Therese nga didto na mag- trabaho sa gawas sa nasud isip usa ka lead singer sa banda sa Norwegian Cruiseline. Matag tuig pagabaybayon sa ilang barko ang Amerika, Europe ug mga nagkadaiyang lugar sa Asia. Pito ka tuig na siyang nagtrabaho sa cruise.

Matud pa ni Mary Therese, 19 ka tuig na siyang nahimong singer ug giangkon niya nga dako gyud ang iyang paghigugma sa pag-awit.

Gani nakahinumdum pa siya kaniadtong tuig 2000 nga nisalmot siya og Star Search sa GMA7 ug nalakip siya sa top five finalist nga nagrepresentar sa Sugbo.

“It can change my emotions when I’m sad or stressed out. It always makes me happy and guide me when I’m searching for an inspiration,” saysay pa niya.

Ang iyang pagka- rock singer matud pa maoy nagtukmod kaniya aron mahimong fashion rebel sanglit molahi man siya sa tradisyonal nga pagsul-ob og puting wedding gown nga maoy gamiton sa tanang mga bride sa panahong kaslon sila.

“The dress is both romantic and rebellious. Delicate yet strong. The fitted top with high neck is entirely made from a fine Spanish silk in jet black with an exaggerated Juliet sleeves. While the skirt is a layer of hundreds of meters of tulle with an organic and voluminous effect. It’s more on personal expression rather than a fashion rebellion. This is me, and I’m dressing up for myself to make myself happy and comfortable. “

Alang sa mga tawong misaway sa iyang black wedding dress, matud ni Mary Therese, iyaha kining big day, busa matud pa, bugtong siya lang ang makabuot kun unsay gusto niyang sul-obon sa labing espesyal nga adlaw sa iyang kinabuhi. Gihimo lang niya ang butang nga makapalipay kaniya ug gisunod niya kun asa siya mas komportable.

Vintage, romantic ug avant-garde ang nahimong tema sa iyang wedding reception.

Dako ang iyang pagpasalamat sa tanang tawong nahimong dakong parte sa iyang wedding day gikan sa coordinator, make-up artist, guests ug iyang pamilya.

Di sab masukod matud pa ang iyang pagpasalamat kang Ophelia Nadela, nga maoy usa sa labing rason  nganong nahimong posible ang iyang kasal.

THE “BLACK” BRIDE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with