Dennis Hulman sa star cinema

CEBU, Philippines – Mobida na sa ikaduhang higayon si Kapuso Drama King nga si Dennis Trillo sa usa ka Star Cinema film nga A Family Ghost Story’.

Usa kini ka bag-o nga psychological horror movie ug ipasalida kini karong Nobyembre.

Makauban ni Dennis sila si Alyssa Muhlach, Raymond Bagatsing, ug Beauty Gonzalez

Kahinumdoman nga nahimong bida si  Dennis sa usa ka Star Cinema film sa  pelikula nga ‘You’re Still The One’ niadtong 2015 kun diin nakauban niya si Maja Salvador.

Adunay exclusive contract si Dennis sa Kapuso Network apan wala sa iyang kontrata nga magdumili og pagdawat og pelikula gikan sa laing production company.

Game makatrabaho si Kath

Dili sirad-an ni Nadine Lustre ang pultahan kun ugaling hatagan siya og tsansa nga  makauban sa usa ka proyekto si Kathryn Bernardo. “Kung mayroon namang magandang material para sa aming dalawa. I mean hindi naman kami magka-away, okay naman po kami e hindi naman kami nag-aaway in real life. So I guess, okay naman”, suma pa ni Nadine.

Instagram ra

Giklaro ni Bea Alonzo nga wala siyay Twitter account. Matud pa ni Bea nga sa Instagram lang  siya kanunay nga active.  Wala gihapon mohatag og katin-awan si Bea kun unsa ang pasabot sa post niya sa Instagram  nga nagpasumbingay nga gipasakitan siya sa ikaduha na nga higayon.  Una na nga nitumaw ang taho nagbuwag na sila si Bea ug Gerald Anderson human nalambigit kini kang Julia Barretto.

Midepensa sa manghod

Todo depensa gyud si Dani Barretto sa iyang manghod nga si Julia Barretto nga nalambigit karon sa issue  nila ni Bea Alonzo ug Gerald Anderson. Gikumpirma ni Dani nga magkauban ang duha sa usa ka party apan dili kini usa ka lig-on nga basehan  sa tsismis nga dunay  relasyon ang iyang manghod ngadto kang Gerald.  “Nag usap lang sa party, at may chismosang nag decide mag picture, cheating na agad? Bawal mag Hi sa isa’t isa? Bawal magkamustahan? Cheating na agad yun?! They worked together!! Of course they’re friends! PATI YUN BAWAL NA DIN?”, pulong pa ni Dani.

Dili madayon

Dili na makauban ni  Nora Aunor sila si Tirso Cruz III ug si Christopher de Leon sa pelikula nga ‘Isa Pang Bahaghari’.  Matud pa nga dili na  kini makasulod sa schedule sa duha.  Gihulipan ang duha nila ni Phillip Salvador ug Michael de Mesa.

No more tears

Adunay bag-ong awit nga gipagawas karon ang banda nga Side A. Usa kini ka hugot song  nga nag-ulohan og ‘No More Tears’.

Naanad sa mga malisya

Gitataw ni Angelica Panganiban nga wala silay relasyon ni Cholo Barretto kinsa nakauban niya og bakasyon sa Siargao. Matud pa niya nga naanad na siya nga hatagan sa mga tawo og malisya ang mga makauban niya sa usa ka hulagway. Giklaro ni Angelica nga  dili pa siya andam nga makauyab og balik.

Magpatukod og balay

Gitigom gyud og maayo ni  Andrea Brillantes ang  kita niya sa  serye nga ‘Kadenang Ginto’  ug  endorsements. Plano sa aktres nga magpatukod og balay alang sa iyang pamilya. Adto niya ihapak  ngadto sa  iyang balay ang tanan niya nga hinaguan.

Love is love

Mag-ulohan og ‘Love is Love’ ang pelikula nga gibidahan  nila ni JC de Vera ug Roxanne Barcelo. Hatagan kini og direksyon ni GB Sampedro nga sinuwat ni Cely Santiago. Target sa direktor nga iapas kini og sumiter sa 45th Metro Manila Film Festival

Loyal  kapuso

Loyal Kapuso gyud si Miguel Tanfelix. Nagpabilin siya sa maong nataran sulod na sa 15 ka tuig. Kagahapon lang, mi-renew siya sa iyang kontrata sa  GMA Network.

Mopahuway pa

Mibalik na sa Pilipinas ang aktres nga si Liza Soberano human sa tulo ka buwan nga nag-istar sa Amerika aron nga hatagan og alibyo ang iyang tudlo. Sa dalikyat nga interview, gisaysay ni Liza nga gitambagan siya sa  doktor nga mopahuway una siya sa trabaho  og laing  duha ka buwan.  

Yeng  nag-sorry sa doktor

Gipapas na ni Yeng Constantino ang iyang vlog nga naghisgot sa iyang  reklamo kabahin sa usa ka hospital didto sa Dapa District Hospital sa Siargao, Surigao del Norte nga gihulagway niya nga  wala magpakabana sa ilang pasyente.

Nalandig sa tambalanan ang iyang asawa nga si Yan Asuncion sa dihang  nakasinati  kini og temporary memory loss human nadisgrasya sa cliff-diving spot sa  Siargao. Gawas sa   mga medical staff, gisaway usab og maayo ni Yeng ang doktora.

Matud pa ni Yeng nga nadala lang gyud siya sa iyang emosyon tungod sa kondisyon sa iyang bana ug giangkon niya nga sayop ang pagpakaulaw niya sa doktor nga si Dr. Esterlina Tan.

Nakaamgo si Yeng sa  iyang sayop human siya gisultihan sa iyang mga higala nga magbinantayon sa iyang mga post nga walay tawo nga masakitan.

“Regarding the Siargao incident, yung mga recent posts ko was brought about by my high emotions dahil sa nangyari sa aking asawa whose life at that time I thought was in grave danger. Pagkatapos kong kausapin ang mga taong malapit sa akin I realized I should have been more responsible in my posts. I would like to apologize to Dr. Esterlina Tan and the other medical staff for the hurt that my post and vlog has caused them. Whatever concerns I had should have been coursed through the proper forum. It was unfair to call her out on social media and I’m taking down the posts and the vlog immediately. I’m deeply sorry for the hurt I caused her at sa lahat ng mga medical professionals who were affected by my posts. There is no excuse. I will do my best to be more responsible next time”, suma pa sa post ni Yeng.