Marjorie midepensa sa anak
CEBU, Philippines — Wala kaantos si Marjorie Barretto sa giatubang nga isyu sa iyang anak nga si Julia Barretto kinsa na-link kang Gerald Anderson.
Suma pa ni Marjorie nga dili tinoud nga dunay relasyon sila si Julia ug Gerald ug managhigala lang kini.
“Please explain too that this was taken at the party of Rayver. That you zoomed in this photo. If you care to zoom out, you will see that they were a big group that includes my nephew,” suma pa ni Marjorie.
Suma pa ni Marjorie nga mobuhat gyud siya og legal nga aksyon batok sa nagpakatap og malisyoso nga hulagway.
Best in gimik?
Gihulagway sa pipila ka kritiko ni Iñigo Pascual nga plastikay lang ang gipakita nila nga sweetness ni Maris Racal karong panahona.
Nitumaw ang tsismis nga matud pa gituyo nila kini isip kabahin sa promosyon sa pelikula nila nga I’m Ellenya L.
Matud pa sa report nga taod-taod na nga wala magtingog ang duha human nasakitan matud pa si Maris sa breakup nila ni Iñigo.
Apan dali nga nidepensa si Maris ug gitataw niya nga kun unsa man gani ang nahitabo nila kaniadto, tipik na lang kini sa ilang kagahapon ug gitataw niya nga hagbay ra sila nga naka-move on.
“Very okay na kami. Yung genuine naming friendship, naibalik na,” suma pa niya.
Andrea andam makig-kontra kang Darna
Andam ang Kapamilya actress nga si Andrea Brillantes sa posibilidad nga mahimong kabahin sa movie remake sa Darna nga pagabidahan ni Jane de Leon
Suma pa ni Andrea nga fan gyud siya ni Darna sukad pa sa panahon ni Angel Locsin.
Matud pa sa aktres nga okay ra niya mahimong kontrabida ni Darna.
Sikat kaayo si Andrea karong panahona gumikan sa iyang kontrabida role sa teleseryeng Kadenang Ginto.
- Latest