Paglugwa ni Bea

CEBU, Philippines – Daghan gyud ang naliki sa dihang adunay cameo role si Bea Alonzo sa top-rating series nga ‘Kadenang Ginto’. Duha ra ka pulong ang gibuhian ni Bea apan natagad na gyud kini sa kadaghanan. Trending karon si Bea sa social media tungod sa iyang paglugwa sa maong show.

Dili lang pakatok

Tsika pa sa komedyante nga si Michael V. nga daghan gyud ang angayan nga atangan sa iyang pelikula nga “Family History”. Matud pa niya nga dili lang puro pakatok apan magtuki gyud kini kun unsa ang sitwasyon sa usa ka pamilya.

Kontrabida ni Megan

Miuyon gyud si Kris Bernal nga mahimong kontrabida sa proyekto nga bidahan ni Megan Young. Matud pa niya nga wala siya ma -insecure nga  dili na siya ang bida karon. Na-pressure siya gumikan kay palahi na sab nga timpla sa karakter nga iyang pagadad-on.

Mibalik sa Kapuso

Mibalik na sa Kapuso network sila si Amy Austria ug Roderick Paulate. Kapin sa usa ka dekada nga wala sa maong nataran ang mga beteranong artista apan karon hingpit na sila nga mibalik aron nga mahimong kabahin sa serye nga “One of the Baes”.

Dili arte

Gitataw ni Pokwang nga dili siya arte nga amo sa iyang katabang. Matud pa niya nga istrikta lang siya gamay kabahin sa iyang anak aron dili kini maalaot. Mapasalamaton si Pokwang nga pinangga sa iyang katabang ang iyang anak nga si Malia.

Nakatrabaho ang producer ni Beiber

Swerte gyud nga performer si Iñigo Pascual gumikan kay nakatrabaho niya ang producer ni Justin Beiber alang sa iyang bag-o nga music project. Matud pa ni Iñigo nga wala gyud niya gipakyas ang mga bigtime nga producer sa Amerika aron nga dali mahuman ang trabaho ug nag-enjoy siya og maayo niini.

Target nga role

Usa ka serial killer ang gusto nga mahimong role sa Kapuso star nga si Barbie Forteza. “Eh kasi mahilig nga akong manuod ng mga ganun - mga crime, murder, mysteries ganyan! ‘Yung mga CSI, pero gusto ko ako ‘yung papatay. Very unusual din kasi siya sa Philippine TV o cinema”, suma pa ni Barbie.

Kinabuhi ni Yasmien

Malipayon nga gisaysay ni Yasmien Kurdi ang kasikas sa iyang kinabuhi pinaagi sa iyang Youtube channel. Miabot na og kapin sa usa ka milyon nga views ang maong vlog.

Ubos ang pagtan-aw

Tsika pa ni Ion Perez nga dunay higayon nga giingnan siya kaniadto sa ubang tawo nga walay maabot sa kinabuhi. Matud pa ni Ion nga mismo ang pamilya sa iyang  girlfriend kaniadto mao ang miingon kaniya. “Wala daw kinabukasan ‘yung anak niya, tambay lang daw ako. Talagang ‘yun ang lagi nila sinasabi sa akin, na wala akong marating sa buhay. Sabi ko sa sarili ko, bubuhayin ko naman ang anak niya sa paraan na alam ko. Hindi ko naman gagawin ‘yung masasamang gawain para lang may maipakain ako sa anak niya. Ang sabi niya sakin, ‘Basta ayaw kita para sa anak ko,”, asoy pa ni Ion.

Mensahe alang kang Jane

Mipadangat si Liza Soberano ug Angel Locsin sa ilang mensahe ngadto kang Jane De Leon kinsa mao karon ang napilian   nga bag-ong Darna. Sa pagpasalamat ni Jane ngadto sa iyang mga fans pinaagi sa iyang Instagram account, mikomento og “Congratulations” sila si Liza ug Angel ngadto kang Jane.