Alden gipasalamatan ni Daniel

CEBU, Philippines — Gibutyag ni Alden Richards nga nahinabi gyud niya si Daniel Padilla sa personal ug nagpasalamat kini kaniya gumikan sa maayo niya nga pag-atiman kang Kathryn Bernardo atol sa shooting sa pelikulang Hello, Love, Goodbye .

Sa Hong Kong gi-shoot ang maong pelikula sa Star Cinema.

“Mabait po si Daniel. Nag-congratulate siya at nagpasalamat po siya na inalagaan ko rin si Kathryn,” matud pa ni Alden.

Hands on sa negosyo

Gisaysay ni Marco Gumabao nga hands on siya sa iyang gipanag-iya nga mga negosyo. Matud pa ni Marco nga bisan og busy siya sa iyang pagka-artista, kanunay gyud niya nga gahinan og oras ang iyang mga negosyo.

Jinri engaged na

Engaged na ang TV actress ug host nga si Jinri Park. Gipailaila na sa kanhi  PBB housemate ang hinigugma niya nga si John kinsa usa ka Pinoy nga nagtubo sa Australia. Nahitabo ang maong anunsyo pinaagi sa iyang vlog.

Dili manginlabot

Gibutyag ni Leila Alcasid nga dili manginlabot ang iyang amahan nga si Ogie Alcasid kabahin sa iyang career. “Actually he’s more of I’ll just do it and then I’ll show it to him once it’s done. He’s very supportive. But in terms of getting to that point, I’ve figured out what it is I want to do and I’ve figured out who I am and he’s very good at just letting me do that which I really appreciate”, suma pa ni Leila.

Tungod sa BTS

Milarga sa Japan   nga nag-inusara ang Kapuso aktres nga si Winwyn Marquez. Tuyo ni  Winwyn mao nga  mosaksi sa concert sa iyang idolo nga  K-pop group nga BTS.

Nananghid daan

Tsika pa ni  Sharon Cuneta nga  nakapananghid na siya ni Mr. Johnny Manahan kabahin sa iyang desisyon  nga dili mobalik isip coach sa The Voice Kids.. “I cannot stand the stress kasi. I became so attached to the kids and it weighs heavily on my heart ‘pag kailangan na mag-eliminate”, saysay pa ni Sharon.

Family picture

Malipayon gyud ang panagway ni Vice Ganda sa ilang family picture. Tam-is gyud ang pahiyom sa komedyante gumikan kay lakip na sa maong hulagway ang iyang boyfriend nga si Ion Perez. Anaa pa sa maong hulagway ang inahan ni Ion ug ang inahan ni Vice.

Dili tinuod

Dili tinuod ang balita nga matud pa nga mobalhin og laing estasyon ang aktor nga si Ian Veneracion. Matud pa ni Ian nga dili sab tinuod ang taho nga  lakip siya sa cast sa ‘The Better Woman’ nga gibidahan nila ni Andrea Torres ug Derek Ramsey.

Komportable kang RK

Komportable ra si Sue Ramirez ngadto kang RK Bagatsing sa ilang sex scene sa ‘Cuddle Weather’. “Napakahusay ni RK. He’s been a gentleman to me. I’ve been very comfortable with him, despite yung mga eksena na we had to do. Thankful ako na si RK yung naging ka-partner ko”, suma pa ni Sue.

Mobalik puhon

Suki si Senator Bong Revilla sa Metro Manila Film Festival kaniadto. Matud pa niya nga mobalik siya sa pag-arte ug pagsalmot sa maong film fest apan dili sa sa pagkakaron. Magpokus pa una siya sa trabaho sa senado.

Mamili 

Mi-esplikar si Mylene Dizon nga choosy na siya sa iyang pangdawaton nga mga role karon. “Choosy, oo, lalo pa ngayon kasi nakakapagod din, eh. Nakakapagod ding lumuwas galing probinsya papunta sa Quezon City para mag-taping. Taga-probinsiya na ako, taga-Cavite”, suma pa ni Mylene.