Claudine molugwa unta sa Probinsyano?
CEBU, Philippines — Niulbo ang hungihong nga matud pa nga si Claudine Barretto diay unta ang unang gitanyagan nga mahimong guest sa Ang Probinsyano apan wala kini madayon hinungdan nga gihatag kini ngadto kang Judy Ann Santos.
Suma pa nitumaw nga tsika nga dunay kondisyon si Claudine, ganahan siya nga wagtangon si Raymart Santiago sa maong teleserye. Apan wala matud pa mosugot ang production gumikan kay importante ang role ni Raymart sa maong teleserye.
Tony gipares kang Eugene
Si Tony Labrusca ang leading man ni Eugene Domingo sa bag-ong streaming series sa iWant nga Ang Babae Sa Septic Tank 3 .
“Siyempre uso ngayon yang mga series na ganyan. Ngayon kailangan updated tayo, kailangan sumasabay, kailangan rin natin ma-reach ang mas maraming tao,” saysay pa ni Eugene nga namantala sa PUSH.
Suma pa ni Eugene nga wala ra gyu’y problema katrabaho si Tony.
“Si Tony Labrusca ang sarap niya panoorin pero tawang tawa agad eh, ang hilig niya tumawa pero nung sinabi ni direk na kailangan intense na tayo dito, na deliver naman nya ang dramatic demands,” suma pa sa komedyanteng aktres.
Nasayran nga inspired kaayo si Eugene sa tinoud nga kinabuhi gumikan sa iyang foreigner nga boyfriend.
Pia nakaangkon og injury
Nakabaton og injury sa iyang tudlo si 2015 Miss Universe Pia Wurtzbach apan wala kini nakabalda sa iyang mga appointment.
“Managed to conceal it this whole time. I’m just happy I’ll never have to pose with my right hand hidden anymore,” suma pa ni Pia sa iyang Instagram Story.
Nasayran nga daghan pa og pagabuhaton si Pia apan wala siya nagpaapekto sa iyang kahimtang.
“Trying to look cute for the airport. These next couple of weeks will be a little hectic but I’m ready!” dugang post ni Pia.
Wala hinoun niya gidetalye ang rason sa naangkon niya nga injury.
“Tomorrow it finally comes off. I broke my pinky finger,” suma pa ni Pia.
- Latest
