Pambato sa sugbo alang sa Mutya Pilipinas 2019
Preciosa L. Bacalso (Banat) - July 16, 2019 - 12:00am

CEBU, Philippines — Dili lang usa kun dili tulo ka mga maanyag nga Cebuana ang ipadala sa kaulohan aron maoy isangka alang sa umaabot nga Mutya Pilipinas nga mahitabo karong Agosto 18, 2019 sa Mall of Asia Arena.

Sa nahitabong koronasyon sa Mutya Pilipinas Cebu nga nahitabo sa SM Northwing sa miaging semana, milutaw og samot  ang kaanyag ni Maria Angelica Pantaliano.

Gani, nanghakot sab og mga pasidungog  si Pantaliano. Ang mga naangkon niya nga awards naglangkob sa  Best in Production Number, Best in Playsuit (Resort Wear) ug Best in Long Gown.

Gawas ni Pantaliano, nahimo sab nga mananaog sila si Mariah Gelina Lequin ug Karla Claudine Salvador Lasquite.

Ang tulo ka Cebuana nakapasar gyud sa gipangita nga kalidad sa maong kompetisyon nga adunay lantip nga panghunahuna, maanyag ug adunay maayo nga postura nga kalidad sa usa ka hometown girl.

Ang maong koronasyon  gitambungan gyud sa pangulo sa Mutya Pilipinas nga si Cory Quirino.

Dako ang pasalamat ni Quirino ngadto sa Provincial director sa maong indigay diri sa Sugbo nga si Lemuel E. Rosos gumikan kay nagmalampuson gyud ang maong koronasyon.

Malipayon si Rosos nga nakauyon ang pangulo sa nahitabong kalihukan. Dugang kalipay ni Rosos nga ang mga napiliang mananaog aduna sa’y dako nga puruhan nga mobuwansag sa mahitabong Mutya Pilipinas 2019.

Dugang pamahayag  ni Rosos nga dili na lisod sa ilang parte ang mga mahitabong pagpangandam ug pagbansay-bansay sa tulo ka kandidata gumikan kay aduna na kini mga kasinatian sa mga dagko nga mga beauty pageant dinhi sa Sugbo ug sa kauluhan.

Si Pantaliano, nakoronahan na kini sa makadagahang higayon. Ang Mutya Pilipinas ang  ikaduha niya nga national pageant sanglit nakasalmot na siya sa Miss Bikini Philippines niadtong tuig 2017.

Nahimo sab nga kabahin si Lequin sa Binibining Cebu 2018 ug si Lasquite usa sab sa mga kandidata karong tuiga sa Miss Mandaue Gold ug nakasalmot na sab siya sa Miss Bikini Philippines niadtong tuig 2014.

MUTYA PILIPINAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with