Salamat sa Blessings
Sunday BisChika na! Ang inyong Mother Butanding kay mapasalamaton kaayo sa blessings nga gihatag ni Lord ug Mama Mary. Naka attend ko og Spritual Growth Seminar sa Oasis of Love, follow up kini sa nahuman namo nga Walk with Jesus Seminar .Proud to say nga naapil jud ko sa batch 76. Sa mga gustong moapil ug masinati akong gibati kauban ang Ginoo , i-PM ko para mahatagan ko kamo sa detalye. Sa laing bahin nag -Kapuso Barangayan kami sa Barangay Pajo sa Lapu-Lapu City niadtong Biyernes. Hatod namo ang Kapuso Serbisyo nga Libre sama sa Libreng tupi, lugaw, massage, zumba plus raffle sa tulo ka sakong bugas. Live pa kini sa Balitang Bisdak. Kagahapon, Sabado, sa labing unang higayon nag -host ko sa Missionaries of the Poor para sa Perpetual Profession of Vows sa lima ka mga brothers nga silang Bro. Joey PayPal, M. O. P., Bro. Michael Belecenia, M. O. P., Bro. Ronnie Cohitmingao, M. O. P. , Bro. Jesus Hitosis, M. O. P, ug Bro. Joey Albert Rogel, M. O. P.
Ang Presiding Celebrant ug Preacher mao si Cebu Archbishop Jose S. Palma. Karung adlawa, nagbabag akong beauty para mo- host sa kasal nilang Geovanni ug Chona. Nakaila nako si Chona kay gikuha ko nilang host sa iyang mga events. Mao nga Salamat kaayo sa blessings Lord and Mama Mary.
Para sa atong Kinsa Siyaaaa??? Local singer nga nakadaug sa usa ka singing contest sa usa ka kompanya gireklamo. haaaa? Ngano? Sigon pa sa atong Kinsa Siya Insider nga si local singer niagi gyud sa proseso sama sa pag -audition, nikompleto sa mga requirements. Iyang gitigi ang halos kinse ka mga contestants. Nakuha niya ang tropeo ug cash prize. Unsa man pagkahitaboa nga adunay nireklamo o protesta sa local singer kay naka violate daw sa rules sa contest. Tungod kay buotan si local singer siya ay nagparaya. Ni -give way kay dili siya gusto og gubot . Kinsa Siya ang local singer? Maayo gyud siya mokanta.. Idol kaayo nako. Hahahaha! Ang nangreklamo kay ang pipila rapud nga mga kauban niya sa singing contest!
GOOD NEWS! Ang Cebu APO Externos nag apod- apod og 230 dental ug school kits sa Sto. Nino Roman Catholic Parish sa Santa Fe Bantayan Island. Kauban nila sa maong kalihokan ang Doctor’s College of Dentistry 1990, APO Macau, APO Midwest Chicago, PNP-EOD K9 Reg7,ug APO Lambda Sigma. Maghinaot ang maong grupo nga mas daghan pa silang matabangan sa umaabot pa nilang proyekto ug salamat kaayo usab sa ilang partners.
- Latest
