Sure na gyud
CEBU, Philippines – Sure na jud si Jake Cuenca nga si Kylie Verzosa na ang babaye nga iyang pakaslan. Nasayran nga wagas kaayo ang sweet photos sa duha sa social media “I would say yes. And I’d never said that about anyone that I’ve ever met”, suma pa ni Jake.
Tinubdan sa away
Wala man mihingalan ang Hashtag member nga si Ryle Santiago kun kinsa ang iyang nakaengkwentro nga kauban sa maong grupo apan matud pa niya nga aduna siya’y konkreto nga rason kun nganong dili sila maayo og tinagdan niini. Kabahin sa lovelife ang tinubdan sa maong isyu. “Hindi kasi ako fan ng mga nangtatalo ng kaibigan”, dugang pamahayag pa ni Ryle.
Nahiubos kang vina
Gitug-an ni Donita Rose nga nakabati siya og kalain ngadto kang Vina Morales kaniadto gumikan kay human sila nga nagbuwag ni Gary Estrada, dali kini nga gisalo ni Vina. Matud pa ni Donita nga sobra ang iyang pagsakit kaniadto gumikan kay iyang higala si Vina ug gihigugma pa niya si Gary niadtong tungura. Pagtataw pa ni Vina nga dili opisyal ang ilang relasyon kun dili mutual understanding lang kini.
Gisnatchan sulod sa sakyanan
Nabiktima sa snatcher ang beauty queen ug kanhi Star Magic artist nga si Sofia Romero samtang natanggong sa kahuot sa trapiko sa EDSA Mandaluyong bridge. Nahitabo kini sulod sa iyang sakyanan niadtong Hulyo 24 sa gabii. Matud pa niya nga aduna siya’y giteksan dayon gihulbot ang iyang cellphone.
Mapasalamaton sa kapamilya
Dako gyud og pagpasalamat si Amy Perez sa Kapamilya network gumikan kay hangtud karon giampingan gyud ang iyang career. Wala siya magmahay nga mibalhin siya gikan sa TV 5. Taud-taud na nga anaa sa maong nataran si Amy ug kasamtangang aduna siya’y radio program ug hosting gig sa It’s Showtime.
Target si Marco
Si Marco Gumabao gyud ang nakita ni Jonas Gaffud nga mahimong perfect representative sa 20th edition sa Manhunt International. Apan walay plano nga mosalmot si Marco sa maong indigay gumikan kay mauwawon siya kun pagpaso na ang istoryahan. Matud pa niya nga dili niya kini forte apan paningkamutan gyud niya kun ihatag kaniya ang maong role.
Rason sa pagparetoke
Gitug-an ni Chie Filomena nga aduna gyuy naretoke nga bahin sa iyang nawong ug mao kini ang iyang ngabil. Matud pa niya nga bata pa siya sa dihang dili insakto nga pagkaporma ang iyang ngabil. Gipaayo kini niya dili tungod kay wala siya makontento sa iyang kaanyag apan gipaayo kini niya aron nga matarong ang diperensiya niya sukad siya nga natawo.
Proyekto nila regine ug sharon
Mikisaw karon ang tsika kalabot nila ni Sharon Cuneta ug Regine Velasquez nga matud pa nga aduna silay proyekto kun diin magkauban silang duha. Matud pa sa duha nga mahitabo kini karong Oktubre. Wala pa gitataw sa duha kun unsa kini nga klase sa proyekto.
Gusto og action film
Dream role ni Solenn Heussaff ang mobida sa usa ka action film. Matud pa ni Solenn nga mao gyud kini ang iyang gusto nga makuha nga proyekto sukad pa nga nagsugod siya sa iyang acting career.
Walay arte
Wala na gyud giang-ang nila ni David Licauco ug Shaira Diaz ang ilang kissing scene sa pelikula nga ‘Because I Love You’. Bilib kaayo ang direktor nga si Joel Lamangan gumikan kay dili kini arte sa trabaho.
- Latest