Hugyaw nga Santa Fe!

Hellooo mga BisChikadora! Mestiza looking ko karun kay best in laag ko sa beautiful Santa Fe, Bantayan Island pinaagi sa atong KaBANATanay Jaypee Lao. Nahibalik ko sa isla kay nag-host ko og kasal nila ni Ronil ug Cham. Pagkasunod adlaw ,  wala usa ko pa paulia ni beshie Jaypee kay nag-huling hirit ko sa ting init. Nag-island hopping lang ang among peg.

Una namo gibisita ang Kinatarcan Island sakay sa pump boat nga  sobra usa ka oras dihang naabot namo ang isla. Wala kami naglangay kuyog ang barangay staff sakay sa multicab una namo gibisita ang Laaw Lagoon. OMG! Dili ana kasayon para makaabot ka sa lagoon, para nako extra challenge kini tungod sa akong lawas... Hahahaha! Panaog ug saka sa mga kabatohan pero sa dihang naabot na namo ,nakaingon ko og wow! Pagkatin -aw sa tubig ug buhi kaayo ang mga halamang dagat.

Sa entrance nga P50, pwede naka mag enjoy sa lugar. Bisan sa kahangak ug nasamad ko very light, it’s worth it. Abi nako didto lang kutob among adventure pagkahuman namo og  paniudto ( presko kaayo ang isda  nga among gikaon), nilahos ang among grupo sa other side of Kinatarcan Island kung diin nisulod kami sa langub nga lami kaayo magtampisaw sa tubig tungod sa kalimpyo. Human, nisulod kami sa Kinatarcan Wellness Resort nga puwerte nakong Hugyawa kay kung gusto ka ma–relax, pasok ka sa banga sa  dakong kaha nga good for 4. Ang buhaton kay butangan kini og tubig, unya maghaling gamit ang kahoy paingon dayon musulod ka butangan og mga herbs para mas ma- relax ka.

Kung ako naa sa kaha pwede na lutoun... Hahahaha! Wala usab nako sipyata ang pag- emote sa dagat, langoy dire, langoy didto, feeling butanding.  Sakay sa pump boat, niagi kami sa Paradise Island ug sa mga tourist destinations sa isla nga inyong makit-an very soon sa TV, print ug social media. In fact ang maong island hopping, inyong makit-an sa akong Facebook page nga Yuri Richards II ug YurEventsAndProductions kay nag -document ang inyong Yur’s truly!

Sa laing bahin, nibisita usab kami sa among mga friendship nga sila si Gigi Waray, si Ate Nedz nga nagpa- dinner, si Auntie Neriza Gigante sa KRJ Tourist’s Inn  nga nagpa- lunch. Didto usab kami sa gamay nga salo -salo sa  umaabot nga Santa Fe Mayor  nga si  Ithamar Espinosa. Bongga kaayo ang among pag-stay sa Jellys Haven Resort, sa ikaduhang higayon nako nga pagbisita, dako na kaayo ang kausaban, bag-o kaayo ang function room, naa pa’y gym nga bisag on vacation mode, nakapasingot gyud ko. Sigon pa ni beshie Jaypee, angay atngan ang mga bag-ong kausaban sa turismo sa Santa Fe kay sigurado kining HUGYAW!.