Itudlo ang Sogie

CEBU, Philippines — Dako ang pagtuo ni Vice Ganda nga mas mapalig-on pa ang hugpong sa LGBTQIA+ kun itudlo sa mga tunghaan ang Sexual Orientation Gender Identity and Expression kun SOGIE. "First I believe must educate themselves. Everyone must be able understand what is LGBTQIA+, what kind of people they are, because if you don't understand the person, then you don't fully embrace his/her totality", suma pa ni Vice.

Gawasnon

Gisaysay ni Issa Pressman nga walay nausab sa iyang kinabuhi human nga miladlad siya  sa iyang tinuod nga pagkatawo. Adunay girlfriend si  Issa nga ginganlan og Marga Bermudez. Matud pa niya nga mas komportable na siya karon sa iyang kaugalingon nga makapabuhagay siya sa iyang gibati.

Gitinuod ang panamilit

Gitinuod gyud ni Kris Aquino ang iyang pagpanamilit sa pagamit sa social media. Gani, ang mga opisyal nga accounts ni Kris dili na kini makita kun i-search. Apan kun ang iyang mga kritiko ang pasultion, napanglantawan na nila nga mobalik ra gihapon si Kris sa social media sa umaabot nga mga adlaw.

Tambag ni Jonas

Adunay gipaambit nga tambag ang beauty queen maker nga si Jonas Gaffud alang sa mga aspiring beauty queen. “They have to be knowledgeable about so many things in life and not just their advocacies. There are so many things to draw knowledge from! Dapat nga isang tanong ay hindi tungkol sa advocacy lang, you know? You have to answer from your heart and what you know", tambag pa ni Jonas.

Joshua isip sundalo

Mobida karong Sabado si Joshua Garcia sa Maalaala Mo Kaya. Hatagan og kinabuhi ni Joshua ang role nga  sundalo nga si Ian Paquit nga namatay niadtong 2013 tungod sa Zamboanga siege.

Ganahan mag-artista

Usa sa dakong ambisyon karon sa anak ni Manila City Mayor Isko Moreno nga si Joaquin "JD" Domagoso nga sudlon ang kalibutan sa showbiz. Ang 17 anyos nga si JD miingon nga kinahanglan una niya tapuson iyang pagtuon sa dili pa  mag-artista.

Gitudluan ni Kath

Daghan ang nalingaw sa bag-ong social media  post ni Kathryn Bernardo. Sa maong post, gitudluan ni Kathryn ang iyang iro kun unsaon paglitok ang "I love you".

Anita Linda gipasidunggan

Gihatagan  og achievement award ang beteranang aktres nga si Anita Linda. Bisan og 94 anyos na siya karon, padayon gihapon siya sa pagsalmot sa mga pelikula. Nahitabo kini  kini atol sa pagsaulog sa ika-100 ka tuig sa Filipino Cinema. Gawas kang Anita, lakip sab sa napasidunggan si Eddie Garcia.