Nagkahanap ang relasyon
CEBU, Philippines — Niulbo karon ang taho nga matud pa nagtakilid ang relasyon nila ni Bea Alonzo ug Gerald Anderson .
Pipila sa mga tsismosa ang nakabantay nga hilom ra kaayo nga nilarga si Bea sa bisan asa nga lugar ug wala kini mo-update sa kasikas sa relasyon nila ni Gerald.
Kahinumdoman nga nadamay pud ang pangalan ni Gerald sa giingong breakup nila ni Julia Barretto ug Joshua Garcia.
Jake nagpaugat gihapon
Giangkon ni Jake Cuenca nga dako gyud ang iyang paghigugma ngadto sa beauty queen nga si Kylie Verzosa a apan nagdumili siya pagtug-an sa real score nilang duha.
“I do love her. From the bottom of my heart, mahal na mahal ko siya,” tsika pa niya.
Apan kun basehan ang ilang mga post sa social media, makita ang ilang sweet photos ug tataw nga duna sila’y relasyon.
LGBT Community pinangga ni Catriona
Kalmadong gitubag ni Catriona Gray ang pangutana sa iyang fan kun nganong nisuporta siya sa LGBT Community bisan paman nga usa siya ka relihiyosa nga pagkatawo.
Usa si Catriona sa niapil sa kasaulogan sa Pride Month ug matud pa niya nga dili babag ang iyang pagka-relihiyosa sa pagsuporta sa mga katungod sa iyang isigkatawo.
"My belief as a Christian does not limit me from fighting for the rights of others. I love my God and love my fellow brothers and sisters,” tubag pa ni Catriona nga makita sa Instagram .
Nasayran nga vocal na si Catriona sa iyang paghigugma sa LGBT Community sukad pa kaniadto.
"Religion is never an excuse to hate, put down or act indifferent to the suffering of others. I believe God is love, and I will treat everyone — no matter who they are, to best of my ability, with love,” dugang pa niya.
- Latest
