Best in react si Cebuana singer

Hugyaw nga BisChika sa atong mga BisChikadora! Noh? half of the year na ug pila nalang ka buwan kay BER months na! Kadali na lang gyud sa panahon . Mapasalamaton kaayo ko sa akong childhood friend nga si Mamu Jacky King nga nihatag nako og  higayon nga masinati ang one of a kind seminar ,ang Walk with Jesus seminar sa Oasis of Love. Gani, ikatulong higayon ko gi imbitar ni Jacky sa maong seminar apan dili mahinayon tungod sa mga kakulian nga dili kapugngan but when I say Yes mas naHugyaw ko kay ang mga challenges naabot ,naa mi Kapuso Barangayan, raket sa Bohol ug uban pa apan no show ang akong beauty. Sa unang higayon, tulo ka adlaw wala ka’y cellphone, relo, no social media ,meaning out of this world. Para nako ang tulo ka adlaw nga seminar kay dakong natabang nako spiritually. Ang ubang detalye kay Secretttt...Kung gusto mo makasinati, adunay schedule karung October.

Sa laing bahin, sa dili na maihap nga higayon ,nahimo na usab akong hurado sa The SM Department Store Sports Fest 2019. Karung tuiga kay ang tema Clash of the Pigs. Gisugdan ang event pagkahuman sa mall hours ug didto kini nahitabo sa Parking area sa maong mall. Nagtigi ang tulo ka branches, ang SM Cebu, Consolacion ug Seaside. Ang Hugyaw nga indigay sa gwapahay kay ang contestants dapat 200 pounds and above para sa search Ms. Mamorts 2019. Nagtigi sa opening production number, pasikatay sa pag ilaila sa ilang kaugaligon ug rampa to the max. Gisundan dayon sa ilang cheer dance competition. Bilib ko sa mga employees kay bisan sa ka busy sa ilang schedule, ang ilang performances maka-Hugyaw. Take note, no outsiders choreographer ,so ilang mugna ang tanan. Salamat kaayo Manager Sir Gilbert Manego for the trust. Siyempre, si Miss Evelyn G . Lim Vice President, The SM Store Cebu, Consolacion ug Seaside branches, Visayas 1. Human sa mga competition ,gisunod dayon ang mga makalingaw nga Filipino games nga ang mga singgit ug katawa ang nipuno sa venue. Congratulations to all winners! Hangtud sa sunod napud nga sports fest.

Para sa atong Kinsa Siyaaa? Kinsa kining all female group nga gisaway sa usa ka singer? Sigon pa sa atong Kinsa Siya Insider nga nagkauban sila ug usa ka event ,unya ang kining all female group kay Hugyaw kaayo ang performance. Pakpak heavy ang mga bisita pero singer may I comment nga kung mukanta mura og dragon permi mangita ug away! Noh?abtik kaayo nakapaminaw ang Kinsa Siya Insider kay naa kini sa iyang atubangan ang maong singer. Kinsa Siya ,kining all female group? Cebuana.  Kinsa kining singer , Cebuana usab. Naa silay something in common si all female group ug singer. Gikan ug reality show!!!!