Teaser sa Hello, Love, Goodbye

CEBU, Philippines — Nakatap na karon sa mga social media sites ang teaser sa pelikula nila ni Kathryn Bernardo ug Alden Richards nga ‘Hello, Love, Goodbye’. Daghang netizens ang nakauyon sa teaser pa lang ug gipanglantawan nila nga angayan gyud kini nga atangan nga pelikula nga ipagawas na sa mga sinehan puhon.

Nalipay nga nakakita

Dili modetalye si Bea Alonzo sa tumong sa ilang panagkita ni John Lloyd Cruz sa Palawan. Matud pa ni Bea nga malipayon siya nga nakita niya kini pagbalik human sa pipila ka tuig nga nagkabuwag ang ilang tanden ug nagpokus na sa ilang personal nga mga kinabuhi.

Seven months na

Gitug-an ni Jake Cuenca nga pito ka bulan na sila nga magkarelasyon ni Kylie Verzosa. Matud pa ni Jake nga maayo ra gyud ang dagan sa ilang relasyon karon nga natutukan kini nila gawas sa ilang trabaho gumikan kay kanunay sila nga mag-uban.

Support-support lang

Suportado nila ni Jerald Napoles ug Kim Molina sukad kaniadto ang usa’g usa bisan og managlahi sila og estasyon karon. Matud pa ni Kim nga dili angay nga selosan ang ilang mga makauban sa trabaho gumikan kay dili angay ipasulabi ang ilang emosyon ug isipon lang nga alang sa trabaho tanan ang ilang gibuhat.

VAN-inay

Nakapalit na gyud og kaugalingong van ang kanhi PBB housemate nga si Baninay Bautista. Dayon kini nga gipanganlan ni Baninay og ‘VAN-inay’.

Magkaila na daan

Gibutyag ni Dingdong Avanzado nga sa wala pa misulod sa showbiz ang iyang anak nga si Jayda, magkaila na sila niini ni Darren Espanto ug nga suod gyud sila ug kanunay nga magkauban. Dako ang pagsalig ni Dingdong ngadto kang Darren nga mabantayan ang iyang anak.

Stage father

Gibutyag ni Doug Kramer nga nag-enjoy siya nga usa siya ka stage father sa iyang mga anak nga sila si Kendra, Scarlet ug Gaven. Matud pa niya nga puro nga adunay hilig sa sports ang iyang mga anak ug kanunay siya nga mag-apong sa higayon nga aduna kini practice.

Revelation

Angayan nga atangan karong tuiga ang concert nila ni Kapuso stars si Mikee Quintos ug Anthony Rosaldo. Mag-ulohan ang ilang concert og “Revelation” nga mahitabo karong Hunyo 28 sa Music Museum.