Gi-donate ang buhok

CEBU, Philippines – Gidonate ni Maxene Magalona ang iyang buhok ngadto sa pipila ka  cancer patients. Matud pa nga ang iyang bana nga si Rob Mananquil maoy  nagtuklod niya nga buhaton kini tungod sa kataas na sa iyang buhok. Buot pud sa bana ni Maxene nga magamit gihapon ang iyang buhok nga giampingan sulod sa  pipila ka katuigan.

Proud kang Coco

Nag-awas-awas gyud ang pagdayeg ni Empoy Marquez ngadto kang Coco Martin. Matud pa ni Empoy nga gibubo gyud tanan ni Coco ang oras ug atensyon sa ‘FPJ’s Ang Probinsiyano’ aron mosamot kanindot ang output niini. Dugang pa ni Empoy si Coco maoy mobarog usahay nga  direktor,  script-writer, ug anaa pud kini sa wardrobe.

Pasok si Angeline

Usa na sab si Angeline Quinto sa nakadawat og Silver Play Button Award sa YouTube. Miabot na og 100,00 subscribers ang channel ni Angeline sa Youtube.

Nagpakasal og balik

Nagpakasal na sa makaduhang higayon ang 60 anyos nga aktres nga si Maria Isabel Lopez ngadto sa iyang Jewish nga hinigugma nga si Jonathan Melrod. Nahitabo ang ilang kasal sa Sebastopol, California.

Mobalik na sa pag-arte

Human sa Bb. Pilipinas, “life goes on”  gihapon alang kang Vickie Rushton kinsa  mibalik na siya sa iyang trabaho isip usa ka aktres.  Nagkita na sila ni  Direk Joey Reyes sa miaging adlaw ug gihikay na ang usa ka proyekto nga iyang pagabidahan. Wala pa midetalye si Vickie kabahin sa maong proyekto.

Corny ug dili sweet

Gipadayag sa kanhi child actor nga si Zaijan Jaranilla kun nganong dili siya ganahan nga adunay ka love team. “Kasi para sa akin, ang corny ko kasi na tao personally. Hindi ako sweet kasi”, suma pa niya.

Tito or daddy

Wala ray problema si Dingdong Dantes kun tawgon siya og ‘Tito’ sa Starstruck hopefuls. Giangkon niya nga mga bata gyud ang mga sakop sa karon nga edisyon. Dugang pa ni Dingdong nga dawaton sab niya nga tawgon siya og daddy.

Inspirasyon ang gisabak

Wala gyud nawala ang pagka-fashionista ni Dani Barretto bisan og nagsabak na siya. Gani, miposing pa gihapon siya sul-ob ang mugna ni Patricia Santos. Matud pa ni Dani nga ang iyang gisabak mao ang iyang inspirasyon kun nganong mas maanyag siya karon ug  kanunay  usab siya nga magmalipayon.