Giharos sa Pro Productions!
Avisala mga BisChikadora! Happy mode ko karun kay ang gamay nako nga sakripisyo ni resulta. Kini mao ang pag exercise almost everyday. Akong gitagaan og oras ang pag exercise. Bisa’g usa ka oras makapasingot ko. Kun wala ko sa Jam Fitness Gym gababag ko sa belly class sa Cebu City Sports Center o di ba kaha naa ko sa Gaisano Main Food Court para sa Zumba Class ni Zumba Queen Emma Satchell. Nakaingon ko nga happy mode ko kay niaging semana ni raket ko sa Balamban sa Miss Pondol 2019 as host, ug siyempre best in formal wear ang inyong Mother Butanding. Pagsul-ob nako sa akong blazer…OMG, dili na huot nako ug ako nang ma butones! Akong heart kay naglukso lukso sa kalipay! Hahahhahaha! Pasensiya na mga BisChikadora nga ang gamay nga butang dako na kaayo ang epekto nako. Dili man gud lalim ang pag adto sa gym para sa cross fit exercise, belly dancing, zumba ug diet. Yes, pag minus sa imong gikaon. Happy na usab ko kay nahuman nako sa NO Rice stage. Kun dili ko mag rice sa akong meal dili na molabad ang akong ulo. Maghinaut ko nga magpadayon kini. Maayo nalang naa’y mga tawo nga mo awhag kanako sa pagpadayon sa nasugdan. Mao nga atangi kay suwayan napud nako ang Beginner’s Yoga. Nagtigum pako para makapalit og yoga mat. Char!
Sa laing bahin, nakadawat kog imbitasyon sa City Sports Club para sa ilang pinakaunang Short Film Festival niaging Domingo. Ang inyong Yur’s truly kay very supportive sa culture and arts, mao nga bisag beauty rest day, niadto ko ug nisaksi sa ilang awarding ceremony. Ang programa gisugdan og salo-salo unya gisunod na dayun ang paghatag og pasidungog sa mga mananaug. Adunay unom ka official finalists of the festival ug mao kini ang mga entries :
Entry #1: Pagsulay by PRO Productions
Entry#2: Pamati by Project Bisdak Films
Entry#3: Kahidlaw by Alpas Creatives
Entry#4: Picture Frame by Ace Loyola Productions
Entry#5: Home by Asian Productions
Entry#6: Tinago by Maharlikan Productions
Tumong niini nga moila og mga aspiring filmmaker nga Sugbuanon pinaagi sa paghatag og kahigayonan nga mapakita nila ang ilang pagkamamugnaon. Ang City Sports Club malipayon kaayo sa tanang teams nga niapil sa maong kumpetisyon. Mao kini ang mga mananaug :
BEST IN SOUND AND MUSICAL SCORING – PRO Productions
BEST IN EDITING – PRO Productions
BEST CINEMATOGRAPHY – PRO Productions
BEST PRODUCTION DESIGN – PRO Productions
PEOPLE CHOICE AWARD – MAHARLIKAN Productions
BEST PICTURE – MAHARLIKAN Productions
BEST DIRECTOR – GE MAGSAYO from Pro Productions
BEST ACTOR – JOHN BRAULIO from PRO Productions
BEST ACTRESS – CHARITO ABELLAR from Ace Loyala Productions
Congratulations kaninyong tanan! Hangtud sunod tuig…. Hugyaw!
- Latest