Aiko, gipalayas?

CEBU, Philippines — Giangkon ni Aiko Melendez nga dili maayo ang dagan karon sa relasyon nila sa iyang boyfriend nga si Zambales Vice-Governor  Jay Khonghun. Gitataw sab ni Aiko ang isyu nga matud pa gipalayas siya tungod sa ilang panag-away. “No truth to the rumors, that Jay Khonghun sent my things over and pinalayas po ako”, suma pa ni Aiko.

Dante Rivero, pasidunggan

Pasidunggan karong tuiga ang beterano nga ‘Nang Ngumiti ang Langit’ star nga si Dante Rivero og Nora Aunor Ulirang Artista Lifetime Achievement Award. Ang aktor kanunay nga nagpakita sa iyang abilad ug  katakus sa Philippine movie industry.

Nakakanta pa

Wala makatuo ang singer mga si Jessa Zaragosa nga makakanta siya pagbalik human nga mipaubos og operasyon sa tutunlan niadtong miaging tuig. Adunay mitubo nga polyp nga tinubdan sa kanunay niya nga pagkapagaw. Karon adunay lakipan nga konsyerto si Jessa ug dako iyang pasalamat nga padayon siya nga moawit ngadto sa padayon nga misuporta kaniya.

Birthday ni Darren

Gisaulog ni Darren Espanto ang iyang ika-18 nga adlaw’ng natawhan sa Singapore. Giatol ang maong selebrasyon sa press conference sa TFC 1MX Singapore Music Festival.

Fulltime mom

Taud-taud na nga wala sa spotlight si Joyce Jimenez sukad nga naminyo kini niadtong 2008. Aduna nay tulo ka anak ang aktres ug ang duha niini nadiagnose sa sakit nga autism. Anaa karon si Joyce sa Southern California ug tutok kini sa iyang role isip fulltime mom.

Daghan og sapatos

Daghang gyud ang nangangha sa labing bag-o nga vlog nga gipagawas ni Heart Evangeslista sa iyang Youtube Channel. Gipakita ni Heart ang 10,000 ka paresan sa mga sapatos nga iyang gipanag-iya.

Proyekto sa fumiyam

Gikalipay pag-ayo ni Fumiya Sankai ug Yamyam Gucong ang miabot nga grasya kanila gumikan kay bisan og bag-o pa lang sila nga nakagawas sa PBB house, aduna na silay acting project. Gani, pasok na sila sa sitcom nga “Home Sweetie Home: Extra Sweet”.

Tanggong ang proyekto

Gitug-an ni Ara Mina nga adunay natanggong nga proyekto alang kang Barbie Imperial ug JM de Guzman. Matud pa nga hanap ang posibilidad nga madayon kini tungod sa ilang panagbangi karon nga wala pa gyud mahusay.

Di mohawa

Walay plano mohawa si Kisses Delavin sa showbiz industry. “I’m here to stay, for the people who want me to stay. As long as there’s only one person who believes in you. Kapitan mo ‘yun kasi as long as may isang tao na gusto kang manatili, ibig sabihin si God ang nagsasabi sayo na mag-keep ka, laban ka, push for your dreams,” suma pa ni Kisses.

Gihulagway si Angel

Gihulagway ni Tirso Cruz III nga bilib siya sa pagkatawo ni Angel Locsin. Matud pa niya nga lahi gyud ang Angel nga makita sa mga teleserye ug sa tinuod nga kinabuhi. Bagis si Angel sa mga serye apan aduna kini malumo nga kasingkasing kun gawas na eksena.