Angel napaakan og iro
Preciosa L. Bacalso (Banat) - May 23, 2019 - 12:00am

CEBU, Philippines – Gidemalas gyud  karong panahona ang  ‘The General’s Daughter’ star nga si Angel Locsin gumikan kay human nga nakaangkon og black eye sa miaging adlaw, nadugangan na usab kini og pinaakan sa iro.

Gipakita ni Angel pinaagi sa iyang IG story kun diin nasamad ang iyang suwang tungod sa pinaakan sa iro.

Wala midetalye si Angel kun diin siya napaakan. Nakaingon ang aktres nga duol gyud siya sa disgrasya karon.

Miss USA 2015 biktima sa pagmolestiya

Gitug-an ni Miss USA 2015 ug 2015 Miss Universe Second Runner Up Olivia Jordan nga uyon siya sa abortion.

Gihatagan niya og katin-awan ang wala niya pag-uyon sa anti-abortion law nga gi-aprubahan sa Alabama, USA niadtong Mayo 14 gumikan kay dili sa tanang panahon nga krimen kini ilabi na kun dili maayo ang kondisyon sa magsabak o ba kaha dili pa andam mahimong inahan ang usa ka babaye ilabi na kadtong gimolestiya ug gi-rape.

Matud pa niya nga nabiktima siya kaniadto sa pagpamolestiya ug rape.  Sa taas nga post ni Olivia, gitawag niya og “insane” ang mga tawo nga pugson ang usa ka tawo nga magsabak bisan og dili pa kini andam.

Wala sab mamugos si Olivia nga modapig ang mga tawo ngadto kaniya gumikan kay lahi-lahi man ang opinyon sa tanan. 

Nipadayon og eskwela

Karon nga niluag  na ang schedule ni  Kisses Delavin, mobalik na siya pagtungha didto sa De La Salle University. Nakaundang og tungha si Kisses sa dihang nisalmot siya sa  PBB niadtong 2016. Gipadayon ni Kisses ang iyang kurso nga Accountancy.

Nasayop ang impresyon

Dili gyud maayo ang unang impresyon ni Erik Santos ngadto kang  Yeng Constantino.  Matud pa ni Erik nga artehan siya kaniadto ni Yeng human nga nakakita siya sa usa ka episode sa ‘Pinoy Dream Academy’. Apan sa dihang nagkaila sila niini, nasuta niya nga dili diay arte si Yeng.

Haruhay nga kinabuhi

Gipanumpa ni Vice nga himuon niya nga haruhay ang kinabuhi sa iyang inahan nga si Nanay Rosario. Gibalik-tan-aw ni Vice kun unsa ang sakripisyo sa iyang inahan ngadto kanila aron nga mahimo sila nga komportable. Alang kang Vice nga panahon na sab nga patilawon og haruhay ug komportable nga kinabuhi ang iyang mahal nga inahan.

Mapasalamaton gihapon

Bisan og adunay daghan nga dili maayong pulong nga nabuhian si Barbie Imperial batok kang JM de Guzman, mapasalamaton  gihapon kini ngadto kang JM gumikan kay mao kini ang nagbutang kaniya kun asa nahimutang ang iyang career karon. Matud pa ni Barbie nga daghan og natabang si JM sa abilidad niya sa pag-arte.

Duha ra kutob

Kutob lang sa duha ang anak ni Bianca Gonzales. Matud pa sa TV host nga dili na kini niya pun-an gumikan lisod ang pagbuhi og  anak nga sobra pa sa duha.

Nagbaha ang proyekto

Buwag na si Jane Oineza sa iyang boyfriend nga si Kyle Secades. Matud pa ni Jane nga malipayon siya sa iyang status karon. Gaan ug lami sa pamati ang walay uyab ilabi na karon nga  nagbulto-bulto na iyang mga proyekto.

Nakahilak

Gihilakan gyud ni Awra Briguela ang iyang katapusang adlaw sa  pag-shoot sa ‘Ang Probinsiyano”   Matud pa ni Awra nga wala niya damha nga mamatay ang iyang  karakter. Gitug-an ni Awra nga naanad na siya nga kanunay nga naa sa taping.

Wala maapektohi

Gitubag ni Mariel Padilla nga gamay lang nga butang ang hulagway nga mikatap karon sa internet kun diin duha ka babaye ang nisandig sa iyang bana nga si Robin Padilla. “Our marriage is stronger than that”, suma pa ni Mariel.

Di na gusto manganak

Bisan og 47 anyos na ang komedyante nga si Eugene Domingo ug pwede pa nga manganak, matud pa niya nga wala na siya’y plano  niini. Suma  pa ni Eugene nga daghan na ang tawo sa kalibutan ug di kini niya dungagan. Malipayon na siya nga makita ang iyang mga pag-umangkon nga giisip siya nga inahan.

Walay plano

Nadawat ni  Ara Mina ang kapildihan sa pipila ka mga sakop sa iyang pamilya nga nisalmot sa piniliay. Kahinumdoman nga padaganon unta si Ara kaniadto nga modagan pagka-konsehal apan wala siya mosugot.

ANGEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with