Kadenang Ginto vs. Bihag
BANATANAY - Sanden J. Anadia (Banat) - May 14, 2019 - 12:00am

Sanden: Maayong buntag mga Kabanatanay, kumusta na man mo uy? Akong panghinaot nga naa mo sa kapiskay ug pagmaya karong adlawa. Dili ta maglangan atong hisgotan ang  mga afternoon series nga init kaayo nga nag-atbang karon. Dili pa lang dugay, nisikad na ang afternoon series sa GMA-7 nga Bihag nga gibidahan nila ni Max Collins, Jason Abalos, Mark Herras, Ryan Sees, Sophie Albert, ug child actor Raphael Landicho. Mao kini ang giatbang sa pambatao sa  ABS-CBN nga Kadenang Ginto nga gibitoonan nila ni Francine Diaz, Andrea Brillantes, Beauty Gonzalez, Albert Martinez ug Dimples Romana. Nakita nako ang duha ka serye pinaagi sa internet, lahi-lahi gyud siya og putahi nga gidalit.Dunay gamay nga aksyon ang Bihag, samtang ang napuno sa drama ang Kadenang Ginto ug makalingaw pud ang engkwentro sa karakter nila ni Dimples ug Beauty. Kamo mga beshy, ano  ang masasabi ninyo?

Yuri: Haluuu Tuesday, BANATanay na! Walay paligo’y- ligoy pa. Hugyaw  ang istorya sa Bihag, kumpleto rekados kaayo uy Gikan sa Lunes hangtud Biyernes, nakatotok ang akong beauty. Acting wise, napagawas ni Sophie ang iyang dugang kapasidad  isip aktres  ug lami ra pud ang mother role ni Max Collins,  angayan kaayo siya. Jason is a good actor ug very sexy labi na sa mga eksenang very hot. Halos tanan cast kay na justify ang ilang role. Walay halong ka ek-ekan. Dili OA ang acting unya na-capture nila ang kasingkasing sa masa.  Ang Kadenang Ginto, samokan ko uy, sige og away, makalabad sa ulo.

Jaypee: Olah everyone! Happiest Tuesday! Sa mga nigawas nga mga mananaog sa election, congratulations, sa mga pildi, better luck next time. Ari ta sa atong hisgotanan karong adlawa, mapasalamaton  kaayo  ko sa ABSCBN sa paghukad nila og linahi na sad nga putahi sa teleserye matag hapon. Nahatagan nila og laing kahigayunan ang mga viewers nga makasaksi og linahi nga serye. Palaban nga bida kumbaga  maoy gipangita sa kadaghanan. Ug tunod niini, no wonder nganong hit na hit kaayo ni siya sa afternoon slot. Di ko kombinsido nga makaapas ang bihag sa popularidad nga natagamtaman karon sa Kadenang Ginto sanglit nakatatak na kini og maayo sa mga viewers. Infact, ang mga bayot sa parlor, patagsaay silag claim sa mga leading cast sa Kadenang Ginto.

Sanden: Hinuon duna moy tagsa-tagsa nga punto mga beshie. Kung asa mo malingaw, aw bahala namo diha.Lain-lain baya atong panlasa. Lingaw ra pud baya ang duha ka show.Tungod sa akong ka-busy, mag-replay na lang ko sa internet. Makaingon ta, pabilin gihapon gikagat sa publiko ang mga teleserye sa atong nasud bisan pa man nga nisulbong na ang mga teleserye sa laing nasud. Bihag o Kadenang Ginto, abiba lang basta Tatak Pinoy.Kamong duha nga beshie , magpakong pa lang mo.

Yuri: Hoy Sanden, dili  ko ganahan og pakong gusto ko og bugno!  Ako gyud lamparohon og maayo ang hampaslupa nga si Jaypee.   Bihag naa sa realidad ang sitwasyon. Gipakita ang tinuod nga nawong sa pamilya kung adunay mabihag.  Intense kaayo ang mga eksena. Imong kasingkasing maghilak sa kalouy, maglagot ka sa sitwasyon. Mao nga ang Bihag is much worth to watch. Ang mga barbero sa barbershop mao nay topic nila. Ambot lang anang Kadenang Ginto,  kapoy sige;g tan-aw anang magbugno atubangan sa kamera.

Jaypee: Hala noh, naunsa naman sad na imong utok Beshy Yuri? Gipakita man sad sa Kadenang Ginto ang realidad sa nga tawong mapahimuslanon beshie. Mao nang gikagat sa mga Pinoy kay adunay dakong pagpanimawos ang bida nga sa una gidaug-daug. Nasayod man kita kun unsa kasikat sa  Kadenang Ginto.  Magbaha permi sa newsfeed  sa  Facebook ang maong topic. Ambot lang kaha sa Bihag. Basta ako happy kaayo ko dunay  ko’y  i-look forward every afternoon tungod sa Kadenang Ginto. Pak na pak si Daniela ug Romina.  Ambot lang anang Bihag nimo, ikaw ray nalingaw Yuri!. Yuri, Jaypee

KADENANG GINTO V
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with