CEBU, Philippines – Giangkon ni Winwyn Marquez  nga interesado gyud siya sa GMA-7 remake sa  2016 Korean drama  nga Descendants of the Sun (DOTS). Apan  imposible kini nga mahitabo  gumikan kay busy siya sa  upcoming afternoon drama series nga Dahil sa Pag-ibig.

Creative director

Gawas  sa pagka-bida ni Dingdong Dantes sa  Pinoy remake sa Descendants of the Sun,  siya  usab ang magsilbing creative consultant sa maong teleserye. Nagpanikad na ang aktor sa taping  ug wala pa gyud matino kun kinsa ang mahimo niya nga leading lady.

Dili suod

Giangkon ni Yam Concepcion  nga dili sila close  ni  Yen Santos bisan taod-taod na sila nga kauban  sa teleseryeng  Halik. Mapasalamaton si Yam sa tanang nisuporta sa maong serye nga kadaghan na  na-extend  tungod sa kakusog niini.

Nakatrabaho si Idol

Dakog garbo alang kang John Arcilla nga nakatrabaho niya si Sharon Cuneta sa pelikulang  Kuwaresma.  Suma pa ni John nga fan kaayo siya ni Ate Shawie, gani nasuweto siya sa mga kanta nga gipasikat niini.

Miangkon na

Niangkon na   ang singer nga si  Mikey Bustos  nga  sakop siya sa  LGBTQ community .  Giingong taod-taod na kini nga gihilom ni Mikey.Apan  ang pipila ka netizens nilenggua nga klaro na kaayo ang linihokan ni Mikey bisan sa  mga panahon nga wala kini moangkon.

Direk Ricky

Mobalik na usab si  Ricky Davao sa iyang pagka-direktor. Siya ang gitugyanan sa  umaabot nga teleserye sa GMA-7  nga  Ang Dahil sa Pag-Ibig.

Gi-bash gihapon

Gipahimangnoan ni  Ai-Ai delas Alas ang iyang bashers nga dili magpataka og  lenggua ug dili dayon hukman ang iyang pagkatawo.  Nasayran nga duna’y mga tawo ang padayon nga mo-react sa relasyon nila ni Gerald Sibayan .

Dani gikasal na

Gikasal na si Dani Barretto ngadto sa  boyfriend niya nga  disc jockey nga si Xavi Panlilio. Nahitabo kini niadtong Martes didto sa  Santuario de San Antonio Parish, Makati City. Wala sa maong okasyon ang mga iyaan ni Dani nga sila si  Gretchen ug Claudine Barretto. Una na nga  gibutyag sa duha nga dili sila imbitado sa maong kasal.

Tatak Pinoy

Naglawig na ang popularidad  sa Filipino singer  nga si Jej Vinson kinsa nakatungtong sa  Top 24 sa The Voice U.S.Kahinumdoman nga nahugyaw kaniya  ang publiko sa version niya sa awit ni  Bruno Mars nga “Versace on the Floor.”Nakauyon sa iyang performance ang mga hurado nga sila si Kelly Clarkson, Adam Levine, John Legend, ug  Blake Shelton.

Nalingaw sa Bukidnon

Gi-enjoy og maayo ni John Lloyd Cruz ang iyang   nature adventure didto sa  Bukidnon. Kauban ni John Lloyd ang iyang  barkada.  Tataw nga nakauyon  og maayo si John Lloyd  sa kinabuhi nga layo sa kamera. 

Denise mulugwa sa Sugbo!

Mutekang dinhi sa Sugbo ang actress nga si Denise Laurel isip celebrity guest sa Cebu Land Masters event nga ipahigayon karong Abril 27, diha sa Cebu Country Club.

Suma pa ni Aida Patana, tagdumala sa M Talents Events and Promo, si Denise ang gipili nga celebrity guest gumikan kay gwapa kini apan dili kaayo sexy og imahe.

Giingong, 400 ka participants ang musalmot sa maong golf event.

Si Denise nga usa sa mga maayong batan-on nga artista sa kasamtangang henerasyon, katapusan nga nakit-an sa ABS-CBN teleserye nga “Playhouse” nga gibituonan nila ni Zanjoe Marudo ug Angelica Panganiban.

Barbie ug Paulo suwayan og balik

Usa ka digital project nga nag-ulohan og “Taiwan That You Love” ang pagaparesan nila ni  Barbie Imperial ug Paulo Angeles .

Nahitabo na niadtong Lunes ang look test sa duha.

Kahinumdoman  nabatyagan sa kadaghanan ang chemistry sa duha  human sila nagpares sa usa ka episode sa  “Maalaala Mo Kaya.”

Gisurpresa ang uyab

Nipadangat og  surprise party si Jessy Mendiola  alang sa iyang  boyfriend nga si  Luis Manzano kinsa nagsaulog dili pa lang dugay sa iyang birthday.

Nahitabo kini sa  usa ka  five-star hotel didto sa Makati.

“Thank you very much to this very special Howhow @senorita_jessy for my surprise reggae rooftop party with Tropical Depression :) ang lupet paano mo naasikaso lahat habang vacation tayo and brought all those that are dear to my heart in one place! I had fun, and i’m still smiling sa sobrang saya ng party! Thanks to everyone who came and reggae partied! Love you guys and most of all, love you howhow ... thank you @discoveryprimea! For the place, food and drinks!! ... ” suma pa sa GIG post ni Luis.

Sekreto sa lig-ong relasyon

Pipila ka lamas sa usa ka lig-ong relasyon ang gipaambit ni  Ronnie Alonte   ug maklaro gyud  kini sa istado nila sa iyang  uyab nga si Loisa Andalio.

  Nasayran nga dul-an na sa tulo ka tuig ang ilang relasyon.

“Respeto sa isa’t-isa, siyempre kung medyo sarado ka, i-open mo yung utak mo para sa babaeng gusto mo, at mahal mo,” saysay pa ni Ronnie ngadto sa  ABS-CBN News.

Alang usab kang Loisa, tungod sa mga pagsulay nga ilang naagian, nisamot kalig-on ang ilang relasyon.

“Kung ano meron sa amin, kami lang ang nakakaalam, at kung may problema kami lang ang mag-aayos,”  suma pa ni Loisa.

Korean dancers pasok sa Indak

Gawas sa Bantayan Island, Cebu,    gi-shoot usab  didto sa  South Korea ang  pipila ka mga eksena  sa  dance movie nila ni  Nadine Lustre ug  Sam Concepcion.

Mao kini ang labing una nga  movie project sa  Viva ni Direk  Paul Basinillo.

Suma pa sa direktor nga gituyok gyud nila ang  hugyaw nga mga lugar sa South Korea ug nakig-collaborate  sa  pipila ka Korean dancers. 

Matinabangon nga mga Pinoy

Natandog  ang komedyanteng aktres nga si Pokwang  sa mga boutan kaayo nga Pinoy nga nahimamat niya  sa airport sa Hawaii.

Matud pa niya nga gihuwat niya ang iyang pamilya sa airport sulod sa pipila ka oras gumikan kay na-delay ang flight niini.

Gigutom na siya og maayo apan dili siya kabiya gumikan kay nagbantay siya sa iyang mga butang. Apan duna’y mga Pinoy ang boluntaryong nipalit kaniya og pagkaon  ug nakahilak gyud siya niini.

 “Ginutom ako di ko maiwan ang bagahe ko naawa sakin mga ate sa airport binantayan nila ako at binilhan ng food. Naiyak ako grabeeee... Salamat mga ate God bless you po and ingat kayo lagi po,” saysay pa ni   Pokwang. 

Giuswag ang show sa nasud

Tungod sa pag-igo sa linog  sa pipila ka dapit sa nasud   nakahukom ang Korean actor nga si Park Bo-gum nga iuswag  nalang niya ang schedule sa iyang fans  day nga gikatakda unta  karong, April 27 sa  Mall of Asia Arena.

“#PrayForPhilippines I’d like to inform you that the event in the Philippines scheduled for April 27, Saturday, has now been postponed due to the recent earthquake,” suma pa sa iyang social media post.

Nangayo og pasaylo si Park Bo sa tanan niya nga fans nga nasagmuyo sa iyang anunsyo.