Nagpungasi ang gugma

CEBU, Philippines — Bisan nga nigawas na sila sa Pinoy Big Brother house, padayon ang paglawig  sa paghinigugmaay nilang Lou Yanong ug Andre Brouillette diin pirme silang masigpatan nga sobra ka sweet sa mga mall shows ug mga posts niini sa social media. Bag-o lang, nag-post og sweet message sa Instagram si Andre alang  kang Lou. "Life will always have its challenges, so let’s take it on together. I love you," tipik pa sa post ni Andre.

Nakahilak sa kalipay

Nakahilak tungod sa kalipay ang Kapamilya star Kathryn Bernardo human gisurpresa og bisita sa iyang uyab nga si Daniel Padilla didto sa Hong Kong diin kasamtangan nag-shooting ang aktres alang  usa ka pelikula kauban si  Alden Richards. Sa mga videos nga gi-post ni direk Peewee Gonzales, nikabayo ug nigakos si Kathryn ngadto ni Daniel tungod sa iyang kalipay. Kasamtangang gisumsuman karon sa social media ang maong mga videos hilabi na sa Kathniel fans.

Coco mipahungaw

Nipahungaw sa iyang gibati atol sa Easter Sunday ang Kapamilya Primetime King Coco Martin kalabot sa isyu nga iyang giatubang karon nga wa ra sab niya giklaro kung unsa. Daghan ang nagtuo nga kalabot kini sa pag-pressure sa publiko kaniya sa pagtubag sa isyung nanganak na ang iyang rumored girlfriend nga si Julia Montes ug siya ang gidungog nga amahan niini."Ang hindi ko pagkibo at hindi pagpatol sa mga bagay na hindi kauunlad ng ating bayan ay hindi kabaklaan,"tipik pa sa post niini sa Instagram.

Interesado sa Darna role?

Nag-post ang GMA-7 actress Gabbi Garcia og throwback photo sa kaugalingon diin nagsul-ob siya og Darna costume sa dihang bata pa siya. Haum ang maong post karong panahona hilabi na nga nangita karon ang Star Cinema  nga mohulip ni Liza Soberano human kini kabaton og  injury sa tudlo.

Temporaryo ra

Gianunsyo sa Kapamilya star Kisses Delavin nga mopahuway una siya og gamit sa iyang social media accounts kay magpokos una matod pa siya sa pagpangandam sa umaabot niyang concert nga A Life Full of Kisses  nga sold-out na karon bisan mahitabo pa kini karong Abril 25 didto sa Music Museum. Nanghangyo og pagsabot ang aktres ngadto sa iyang mga fans ug followers sa social media kalabot  sa iyang desisyon.

Sexy gihapon

Nisabay sa kainit sa panahon ang 43-year-old star nga si Vina Morales pinaagi sa pagbandera sa iyang sexy figure sa social media diin nag-post siya og bikini photos nga kuha atol sa iyang pagbakasyon didto sa Bali, Indonesia. Nasayran nga nag-resort hopping ang aktres didto ug tuyo nga niadto sa isla isip ambassador sa usa ka local marketing solutions company kauban ang celebrity twins nga silang Joj ug Jai Agpangan.

Mahalon ang kaugalingon

Malipayong gipaambit sa aktres nga si Sunshine Cruz ang mabulokong estado sa iyang love life karon kauban ang businessman boyfriend nga si Ismael “Macky” Mathay. Giangkon sa aktres nga si Macky ang nitabang kaniya nga mobalik iyang kompiyansa sa kaugalingon. "Mahalin muna natin ang sarili natin bago tayo magbigay ng pagmamahal,"niya pa.

Sekreto ni Nadine

Gipaambit sa Kapamilya actress Nadine Lustre ang iyang fashion secrets. Nikuha matod pa siya og inspirasyon sa mga banggitang personalidad. “I don’t know. Now I have a lot. Before I would always say Kendall Jenner and Bella Hadid. I like getting inspirations also from drag queens because they’re very fashionable and they’re very brave when they dress up. They’re fearless and it’s fun when they dress up,"sigon pa niini.

Nagbakasyon sa LA

Nasigpatan si Maja Salvador ug non-showbiz boyfriend niini nga si Rambo Nuñez nga nagbakasyon didto sa Los Angeles, California. Pareho nga nag-upload og hulagway silang Maja ug Rambo sa  tagsa-tagsa nila nga Instagram accounts .. Kahinumduman nga niadtong Marso giangkon ni Maja nga nagbalik na sila sa iyang ex-boyfriend human sa siyam ka tuig nga nagbuwag.

Natinuod ang away

Gipaambit sa Kapamilya hunk actor Sam Milby nga aduna'y usa ka eksena sa ‘Halik’ nga natinuod ang ilang away ni Yam Concepcion. Nailhan ang duha sa karakter nga Ace ug Jade. "Sa isang eksena nag-aaway kami sa kotse,mayroon siyang tinapon na tissue sa mukha ko. Kinuha ko yung tissue tapos tinapon ko sa kanya, natamaan ko yung lips niya. Then, kinuha niya yung purse niya na parang may bakal na strap. Binato sa mukha ko, so napikon na din ako. So totoong away sa eksena," asoy pa ni Sam.

Proud sa stretch marks

Mapasigarbuhong gi-upload ni sexy actress Denise Laurel sa Instagram ang iyang bikini photos nga kuha atol sa iyang bakasyon didto sa Maldives bisan pa  man nga maklaro ang iyang strechmarks sa tiyan. Minyo na si Denise ug aduna nay 6 anyos nga batang lalaki."Yes I’m a mom I got folds and stretch marks its ME:) (sic),"post pa niini.